सबस्क्राईब करा
अकोला : भारतीय हवामान विभाग नागपूर यांच्याकडून प्राप्त संदेशानुसार ८ जुलैपर्यंत जिल्ह्यात पाऊस होण्याची शक्यता वर्तविण्यात आली आहे. त्यामुळे नागरिकांनी वीज व पावसापासून बचावाकरीता सुरक्षित ठिकाणी आश्रय घ्यावा.
वारा वादळाचे स्थितीत झाडाखाली आश्रय घेऊ नये. तसेच स्थितीच्या अनुषंगाने सर्व यंत्रणांनी योग्य ती दक्षता घ्यावी, अशा सूचना जिल्हाधिकारी कार्यालयाद्वारे देण्यात आल्या आहेत.
मान्सूनच्या पावसाने २५ आणि २६ जूनला सलग दोन दिवस जिल्ह्यातील वेगवेगळ्या भागात कमी-अधिक स्वरूपात हजेरी लावली. काही भागात तुरळक पावसाच्या सरी कोसळल्या.
२५ जून रोजी रात्री तेल्हारा, अकोट तालुक्यात पाऊस झाला. २६ जून रोजी अकोला, मूर्तिजापूर, बाळापूर, बार्शीटाकळीसह पातूर तालुक्यात जवळपास अर्धा ते एक तास पाऊस झाला. परंतु हा पाऊस पेरणी योग्य नसल्याने शेतकऱ्यांना पेरणीसाठी दमदार पावसाची प्रतीक्षा लागली.
जिल्ह्यातील काही भागात बुधवारी (ता. ५) दुपारी व रात्री पाऊस झाला. परंतु हा पाऊस सुद्धा सर्वदूर व जोरदार नसल्याने शेतकऱ्यांना पेरणीसाठी दमदार पावसाची प्रतीक्षा आहे. दरम्यान हवामान विभागाने ८ जुलैपर्यंत जिल्ह्यात पावसाची शक्यता व्यक्त केली आहे. त्यामुळे शेतकऱ्यांमध्ये दिलासा मिळण्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
