जिल्हा परिषद निवडणूक; राष्ट्रवादीसह वंचितची आकडेमोड कायम राहणार का?

वाशीम ः जिल्हा परिषदेतील इतर मागास प्रवर्गातील रिक्त झालेल्या १४ जागांची पोटनिवडणूक जाहीर झाली आहे. या निवडणुकीत सत्ताधारी व विरोधी पक्षांना आपले संख्याबळ राखण्यासाठी कसरत करावी लागणार आहे. हे संख्याबळ गडबडले, तर जिल्हा परिषदेतील सत्तासंतुलन बिघडण्याची शक्यता आहे. (Zilla Parishad elections; Will the figure of the deprived with the NCP remain the same?)
वाशीम जिल्हा परिषदेच्या निवडणुकीमध्ये नागरिकांच्या मागास प्रवर्गासाठी नियोजीत आरक्षणापेक्षा अधिक आरक्षण घोषित करण्यात आले होते, मात्र घोषित आरक्षण ५० टक्क्यांपेक्षा अधिक झाल्याने सर्वोच्च न्यायालयाच्या आदेशानुसार हे आरक्षण अधिक होते. त्यामुळे या आरक्षणावर उच्च न्यायालयात विकास गवळी यांनी याचिका दाखल केली होती. यावर सुनावनी होवून उच्च न्यायालयाने निवडणुकीला स्थगिती दिली होती. तत्कालीन राज्य सरकारने जिल्हा परिषदेच्या जुन्याच कार्यकारीणीला मुदतवाढ दिली होती.

यावर सर्वोच्च न्यायालयाने फटकारून प्रशासक नेमण्याचे आदेश दिले होते. त्यानंतर आरक्षणा संदर्भातील सर्व याचिका दाखल करून घेत, न्यायालयीन निर्णयाच्या अधिन राहून जिल्हा परिषदेच्या निवडणुका घेण्याचे आदेश आयोगाला दिले होते. आयोगाने यानंतर जिल्हा परिषद व पंचायत समितीच्या निवडणुका घेतल्या होत्या. दरम्यान, या याचिकेवरील सुनावनी सुरुच होती. आता सर्वोच्च न्यायालयाच्या दोन सदस्यीय खंडपीठाने जिल्हा परिषदेच्या मागास प्रवर्गातील जागावरील निवडणुका रद्द ठरविल्या होत्या. यासाठी राज्य निवडणूक आयोगाने पुढील दोन आठवडयात निवडणुकीचा कार्यक्रम जाहीर करावा, असे आदेश दिले होते. आता निवडणूक आयोगाने निवडणूक कार्यक्रम जाहीर केला आहे. जिल्हा परिषदेमधील एकूण ५२ जागा पैकी १४ जागांवर निवडणूक होत आहे. काटा , पार्डी, टकमोर, उकळी पेन, पांगरी नवघरे, कवठा खुर्द, गोभणी, भर जहागीर, दाभा, कंझरा, भामदेवी, कुपटा, फुलउमरी, आसेगाव, तळप या गटांचा समावेश आहे.

बाद झालेले संख्याबळ
- राष्ट्रवादी ३
- वंचित ४
- जनविकास आघाडी २
- काँग्रेस १
- शिवसेना १
- भाजप २
- अपक्ष १

चर्चा महाविकास आघाडीची
सध्या जिल्हा परिषदेत काँग्रेस, राष्ट्रवादी काँग्रेस, वंचित बहुजन आघाडी, शिवसेना यांची सत्ता होती, मात्र इतर मागास प्रवर्गातील आरक्षण रद्द करण्यात आल्याने राष्ट्रवादी काँग्रेसचे जिल्हा परिषद अध्यक्ष चंद्रकांत ठाकरे, शिवसेनेचे बांधकाम सभापती विजय खानझोडे, राष्ट्रवादी काँग्रेसचे सभापती शोभाताई गावंडे यांची पदे रिक्त झाले होते. आता या निवडणुकीत या पक्षांना आपले संख्याबळ कायम ठेवावे लागणार आहे. अन्यथा जिल्हा परिषदेतील सत्तासंतुलन बिघडणार आहे. जिल्ह्यातील ५२ जिल्हा परिषद सदस्य संख्यापैकी राष्ट्रवादी काँग्रेसकडे १२, काँग्रेस , भारिप-बमसं ८, भाजप ७, वाशीम जिल्हा जनविकास आघाडी ७, शिवसेना ६, स्वाभिमानी शेतकरी संघटना १ व अपक्ष २ असे पक्षीय बलाबल होते. यामध्ये थोडा जरी बदल झाला तर राजकारण बदलणार आहे.

संपादन - विवेक मेतकर

Zilla Parishad elections; Will the figure of the deprived with the NCP remain the same?