अकोले : अकोले तालुक्यातील जांभळे येथील दुध संकलन करणारा योगेश चव्हाण हा दुधात तेल व पावडर भेसळ करुन दुध संकलन करत असल्याचे तक्रारीवरून अहमदनगर अन्न व आैषध सुरक्षा विभागाने छापा टाकून १५ गोणी पावडर व तेल ड्रम साठा हस्तगत केला आहे.

याबाबत अधिक माहिती अशी कि अन्न सुरक्षा अधिकारी राजेश बढे त्याचे पथक व अकोले प्रभारी पोलिस निरीक्षक मिथुन घुगे, उपनिरीक्षक हांडोरे बी.बी.यांच्या पथकाने अकोले तालुक्यातील जांभळे येथील शिंदेवाडीतील योगेश चव्हाण हा दुधात भेसळ करत असल्याचे खबरीवरुन चव्हाण याचे घरी आज बुधवार दि.२२ सप्टेंबर रोजी सकाळी ६ वा छापा मारला असता तेथे दुधा भेसळ करण्यासाठीचे १५ गोणी पावडर,तेल ड्रम सह साहित्य मिळून आले तेथील ४० लिटर दुधातून सॅपल घेतले. तर तो चालवत असलेले जांभळे येथील संकलन केंद्रावरही छापा मारून तेथील जवळपास १हजार लिटर दुध नष्ट केले.यावेळी अन्न सुरक्षा अधिकारीनी पंचनामा करुन मुद्देमाल ताब्यात घेऊन सॅपल तपासणीसाठी घेऊन गेले. या सॅपलचा अहवाल आल्यानंतर पोलिसांत गुन्हा दाखल होणार असल्याची माहिती अधिकारीनी दिली.

ही कारवाई वेळी अन्न सुरक्षा अधिकारी राजेश बढे,पवार,सुर्यवंशी, साैरभ व पोलिस सपोनी मिथुन घुगे,उपनिरीक्षक बी.बी.हांडोरे,पो.कॅा.बढे,पो.ना.गणेश शिंदे,विठ्ठल शरमाळे, क्षीरसागर,वलवे.पोलिस वाहन चालक मोरे यांनी केली.