अहमदनगर : सामाजिक कार्यासाठी युवा एक साथ फाउंडेशनने सुरू केलेली चळवळ प्रेरणादायी आहे. प्रत्येक महिन्यात सामाजिक उपक्रमातून समाजातील गरजू घटकांना मदत पोहचविण्याचे कार्य फाउंडेशनच्या युवक-युवती करत आहेत.

युवकांनी समाजातील गरजू घटकांसाठी चालविलेल्या चळवळीतून परिवर्तन घडणार आहे, अशी भावना आमदार संग्राम जगताप यांनी व्यक्त केली.

समाजातील गरजू घटकांतील विद्यार्थ्यांना शिक्षणाच्या प्रवाहात आणण्यासाठी प्रयत्नशील असलेल्या युवा एक साथ फाउंडेशनने महाविद्यालयीन शिक्षण घेणाऱ्या युवकास व्हीलचेअर भेट दिली.

आमदार जगताप यांच्या हस्ते ही भेट युवकास देण्यात आली. यावेळी फाउंडेशनचे संस्थापक अध्यक्ष रोहित काळोखे, उपाध्यक्ष संदेश कानडे, सचिव साईराज चव्हाण, खजिनदार महेश साठे, कार्याध्यक्ष ओंकार पागावाड, मार्गदर्शक योगेश ठुबे, चंद्रकांत काळोखे, नितीन साठे, संतोष ढाकणे, प्रदीप वाघचौरे, राज जाधव,

टेरी वाघमारे, प्रिया घायतडक, सुमित भिंगारदिवे, यश शेकटकर आदी उपस्थित होते. शिवाजीनगर येथे राहात असलेला युवक गणेश चुकाटे याला चालता येत नाही. या होतकरु युवकाला शिक्षणासाठी प्रोत्साहन देण्याच्या उद्देशाने ही भेट दिली.