गुरुवारी जवळजवळ सर्वच दुकाने सुरू होती. मात्र, ग्राहकांकडून नियमांची पायमल्ली होत असल्याचे दिसून आल्याने तहसीलदार ज्योती देवरे यांनी ग्रामपंचायत प्रशासनाला, अत्यावश्‍यक सेवा वगळता इतर सर्व व्यवहार बंद ठेवण्याचे आदेश दिले आहेत. या सूचनेनुसार सकाळी ग्रामपंचायतीने ध्वनीक्षेपकावरून सर्व व्यवहार बंद ठेवण्याचे आवाहन केले. त्यानुसार सर्वच दुकानदारांनी व्यवहार कडकडीत बंद ठेवले होते. यामुळे एरवी गजबजलेल्या बाजारपेठेत शुकशुकाट जाणवत होता.