पारनेर : भूमिपुत्रांना एमआयडीसीत नोकऱ्या द्याव्यात या मागणीसाठी गेली सात दिवसांपासून उपोषणास बसलेल्या अशोक गाडीलकर व सरपंच संदीप वाघमारे यांची कंपनी व्यवस्थापनाशी सकारात्मक चर्चा झाली. यावेळी कंपनी व्यवस्थापनाने भूमिपुत्रांना प्राधान्याने नोकरीत सामावून घेऊ, असे आश्‍वासन दिल्यानंतर अशोक गाडीलकर यांनी उपोषण स्थगित केले आहे.

गुरुवार (ता. ३) रात्री दहाच्या सुमारास गाडीलकर वाघमारे व कंपनीचे व्यवस्थापक यांच्यात सकारात्मक चर्चा झाली. या वेळी कंपनी व्यवस्थापनाने गावातील भूमिपुत्रांना प्राधान्याने नोकरीत घेऊ, जे तरुण डिप्लोमाधारक आहेत त्यांना तातडीने कंपनी रोलवर घेण्यात येईल.,तसेच कंपनी व्यवस्थापन व ग्रामस्थ यांची एक समिती स्थापन केली जाईल, त्यातून सर्व संमतीने प्रश्न सोडविण्यात येतील, असे ठरले. विविध मागण्यांसाठी गेल्या सात दिवसांपासून गाडीलकर यांचे उपोषण सुरू होते.