Ahmednagar Crime News: अश्लील फोटो प्रसारित करण्याची धमकी देऊन अल्पवयीन मुलीवर अत्याचार केल्याची घटना उघडकीस आली आहे. सतरा वर्षीय मुलीने दिलेल्या फिर्यादीवरून तोफखाना पोलिस ठाण्यात गुन्हा दाखल झाला आहे. महेश गोवर्धन कराळे (वय २३, रा. आगडगाव, अहमदनगर) असे आरोपी तरुणाचे नाव आहे.

कराळे हा फोटोग्राफीचे काम करतो. एका लग्न समारंभात पीडित मुलीची ओळख कराळे याच्याशी झाली होती. त्यानंतर कराळे याने संबंधित मुलीला इन्स्टाग्रामवर फ्रेंड रिक्वेस्ट पाठविली व मुलीचा विश्र्वास संपादन करून भेटण्यासाठी बोलविले.

लग्नाचे आमिष दाखवून ऑगस्ट २०२३ मध्ये कराळे याने मुलीवर अत्याचार केला व मुलीचे अश्र्लील फोटो मोबाईलमध्ये काढले. त्यानंतर फोटो व्हायरल करण्याची धमकी देऊन वारंवार अत्याचार केल्याचे फिर्यादीत म्हटले आहे. गुन्ह्याचा तपास तोफखाना पोलिस करीत आहेत. (Latest Marathi News)