तळेगाव दिघे - प्रतिकूल परिस्थितीवर मात करत जिद्द, परिश्रम अन् चिकाटीच्या बळावर तिने आकाशाला गवसणी घालत पोलिस निरीक्षक झाली आहे. करूले येथील पल्लवी राजेंद्र गायकवाड हिने हे नेत्रदीपक यश संपादन केले. आपल्या भाचीची मामाच्या गावात तळेगाव दिघे येथे वाजतगाजत मिरवणूक काढण्यात आली.

करूले (ता. संगमनेर) येथील शेतकरी कुटुंबातील पल्लवी गायकवाड हिने प्रतिकूल परिस्थितीवर मात करत यश संपादन केले. पल्लवीच्या यशाने भारावलेल्या तळेगाव दिघे येथे तिच्या मामाच्या गावी ग्रामस्थ आणि नातेवाईकांनी फौजदार भाची पल्लवीची जल्लोषात मिरवणूक काढत आनंदोत्सव केला. यानंतर तिचा सत्कार सोहळा पार पडला.

यावेळी पंचायत समितीचे माजी उपसभापती नामदेव दिघे, माजी सरपंच बाबासाहेब कांदळकर, प्रभारी सरपंच मयूर दिघे, आत्माराम जगताप, दिनकर जगताप, सुरेश जगताप, राजेंद्र गायकवाड, भागवत गायकवाड, राहुल जगताप, एकनाथ जगताप, कोमल जगताप, अतुल कदम, सुभाष जगताप, राजेश दिघे, बाबा जगताप आदी उपस्थित होते. डॉ. बाबासाहेब आंबेडकर यांच्या पुतळ्यास पुष्पहार अर्पण करून अभिवादन करण्यात आले.

आई - वडिलांनी माझ्यावर दाखविलेला विश्‍वास सार्थकी ठरविला. स्वतःबरोबर त्यांचेही स्वप्न साकार केले. परिश्रम घेतल्यास यश मिळते.

- पल्लवी गायकवाड, पोलिस निरीक्षक