नेवासे : तालुक्यातील भेंडा बुद्रुक येथे नेवासे-शेवगाव रस्त्यावर अज्ञात व्यक्तीने पिकप जीपला दुचाकी आडवी लावून दोन लाख रुपयांची लूट झाल्याची घटना मंगळवारी (ता,7) रोजी दुपारी साडेतीन वाजता घडली. 

या प्रकरणी वाहन चालकाच्या फिर्यादीवरून अज्ञात चोरट्या विरोधात गुन्हा दाखल करण्यात आला आहे. दरम्यान लुटीचा घटनाक्रमावरून ही खरोखरच रस्ता लूट आहे की बनाव याचा तपास पोलीस करत आहेत.

हेही वाचा - पेच वाढला...पारनेरचे ते नगरसेवक म्हणतात

हरिदास सोपान आहेर (वय 48, रा.रामज पिंपळस,ता.निफाड, जिल्हा नाशिक) याने नेवासे पोलिसांत लुटल्याची फिर्याद दिली आहे. घटनेची माहिती समजताच पोलिस उपधीक्षक मंदार जवळे,पोलिस निरीक्षक रणजित डेरे,गुन्हा अन्वेषण शाखेचे पथक घटनास्थळी दाखल झाले. त्यांनी संबंधित वाहन चालकांची चौकशी करत आहेत. 

फिर्याद हरिददास आहेर हे बोलेरो पीकप (एम एच 15 पीव्ही 2680) या वहानाने लातूरहुन नाशिककडे जात असताना नेवासे तालुक्यातील भेंडे ब्रूद्रुक येथील माऊली दूध संकलन केंद्राजवळ नेवासे-शेवगाव मुख्य रडत्यावर आज मंगळवार (ता. 7) दुपारी साडेसाडे तिच्या सुमारास पिकअप अज्ञात व्यक्तीने दुचाकी आडवी लावून पिकअप थांबवून चालकाकडील रोख 2 लाख रुपये व ड्रायव्हिंग लायसन्स काढून घेऊन पलायन केले आहे.आरोपीला शोधण्यासाठी पोलीस पथके रवाना झाली आहेत.

रस्तालूट की बनाव? 
रस्तालूटप्रकरणी वाहन चालक देत असलेली माहिती व घटनास्थळाची परिस्थिती पाहता या ठिकाणी मोठी लोकवस्ती आहे. त्यामुळे याठिकाणी रस्तालूट होण्याच्या शक्यतेबाबत नागरिकांसह पोलिसांनाही साशंकता आहे. पोलिसांचाही त्याच दिशेने तपास चालू आहे. मात्र खात्री करण्यासाठी पोलिसांनी भेंडे, कुकाणे येथील नेवासे-शेवगाव महामार्गावरील अनेक सीसीटीव्हीच्या तपासण्या करत आहेत. रात्री उशिरापर्यंत पोलीस याप्रकरणी तपास करत होते.