राजूर : तलवार बाळगणाऱ्या वाहनचालकास राजूर पोलिसांनी अटक केली आहे. अकोले तालुक्यातील भंडारदरा पर्यटन स्थळावर भंडारदरा धरणाच्या सांडव्याजवळ एका वाहनचालकाजवळ तलवार असल्याची माहिती भंडारदरा दूरक्षेत्राचे कर्मचारी सचिन शिंदे यांना मिळाली.

त्यांनी खातरजमा करण्यासाठी धरणाच्या सांडव्याजवळ उभ्या असणाऱ्या कारची झडती घेतली असता, आत एक तलवार आढळून आली. चालक हेमंत सुनील गरगडे (वय २६, रा. बोल्हेगाव, अहमदनगर) याला तलवारी विषयी माहिती विचारली असता, त्याला उत्तर देता आले नाही.

सदर ठिकाणी पंचनामा करून तलवार व कार राजूर पोलिस ठाण्यात जमा करण्यात आली आहे. तसेच गरगडे याच्यावर गुन्हा दाखल करण्यात आला आहे.