अकोला - ७८ वर्षीय वृद्ध महिलेवर अत्याचार झाल्याची घटना उघडकीस आल्याने एकच खळबळ उडाली. दाळंबी शेतशिवरात ही घटना घडली. बोरगाव मंजू पोलीस ठाण्यात या प्रकरणी गुन्हे दाखल करण्यात आले आहेत.

अकोला बस स्थानकावरून ७८ वर्षीय वृद्ध महिला ही मंगळवारी दुपारी एसटी-बसनं दाळंबी गावाला जाण्यासाठी निघाली होती.

सव्वा दोनला दाळंबी गावातच असलेल्या राष्ट्रीय महामार्गावर वृद्ध महिला पोचली आणि तिथे उतरली. येथून गावाकडं पायी जात असताना तिथे ३ जन मोटरसायकलनं आले आणि गावात सोडून देतो, असं सांगत तिला रस्तालगत असलेल्या एका लिंबाच्या शेतशिवारात घेऊन गेले.

आणि तिघांपैकी एका तीस ते पस्तीस वर्षाच्या व्यक्तिनं तिच्यावर बळजबरी अत्याचार केलाय. हा प्रकार कोणाला सांगितल्यास, जीवे ठार मारू, अशी धमकीही वृद्ध महिलेला देण्यात आली.

या दरम्यान गावातीलच दोन लोक रस्त्यावरून जात असताना वृद्ध महिलेला दिसले, तिने आरडाओरड सुरू केली, आवाज कानावर पडतातच त्या दोन्ही व्यक्तींनी शेताकडे धाव घेतली, हे पाहताच अत्याचार करणारा व्यक्तीने घटनास्थळावरुन पळ काढला. ती दोन्ही व्यक्ती म्हातारी जवळ पोहचताच त्यांनी सुखरूप पणे तिला घरी सोडलं.

आणि म्हातारीनं आपल्या सोबत घडलेल्या सर्व प्रकार कुटुंबीयांना सांगितला, त्यानंतर लागलीच कुटुंबियांनी बोरगाव मंजू पोलीस स्टेशन गाठलं. आणि घडलेल्या प्रकरणाबद्दल तक्रार नोंदवली. या प्रकरणात पोलिसांनी गुन्हे दाखल करून आरोपींचा शोध सुरू केला आहे.