अकोला : स्थानिक गुन्हे शाखेच्या पथकाने पोळा सणाच्या पार्श्वभूमीवर अवैध मद्य विक्री करणाऱ्या पाच जणांना अटक केली असून, आरोपीकडून एक लाख ७९ हजार ३४० रुपयांचा मुद्देमाल जप्त केला.

स्थानिक गुन्हे शाखेचे पोलिस निरीक्षक शंकर शेळके यांच्या मार्गदर्शनात डाबकी रोड पोलिस स्टेशनच्या हद्दीतील डाबकी रेल्‍वे गेट परिसरात अवैध दारुचा साठा जप्त केला. या कारवाईत विवेक अनिल मालगे (३०), यशवंत राजू करनेवार (२६) दोघेही रा. बाळापूर नाका गुरुदेव नगर, जुनेशहर या दोन आरोपीकडून ६३ हजार ४४० रुपयांचा मुद्देमाल जप्त केला.

दुसऱ्या कारवाईत बाळापूर बेस वाडेगाव येथील सचिन गोविंदा अवारे (३५) आणि सुनील गणेश रहाटे (४३) या आरोपीकडून ५७ हजार ५०० रुपयांचा मुद्देमाल जप्त केला. रिधोरा गावात हुंडाई शोरूम जवळ रविराज अन्ना तायडे (२८) या आरोपीकडून ५८ हजार ४०० रुपयांचा मुद्देमाल जप्त करण्यात आला.

ही कारवाई पोलिस अधीक्षक संदीप घुगे, अप्पर पोलिस अधीक्षक अभय डोंगरे, एलसीबीचे पोलिस निरीक्षक शंकर शेळके यांच्या मार्गदर्शनात एएसआय राजपालसिंग ठाकूर, दशरथ बोरकर, फिरोज खान, गोकुळ चव्हाण, विशाल मोरे, अविनाश पाचपोर, महेंद्र मलिये, खुशाल नेमाडे, आकाश मानकर, धीरज वानखडे, अन्सार अहेमद, मो. आमीर, अभिषेक पाठक आदींनी केली.