अकोला ः महानगरपालिकेच्या आरोग्य निरीक्षकासोबत सफाई कर्मचाऱ्यांचा वाद ही नित्याचीच बाब आहे. मात्र, आज दोन कर्मचाऱ्यांमधील वाद विकोपाला जाऊन दोघांमध्ये शिविगाळ व हाणामारीपर्यंत पोहोचला. त्यातून परस्पर पोलिस तक्रारी झाल्यात. या घटनेतील जखमी कर्मचाऱ्यांची वैद्यकीय तपासणी सर्वोपचार रुग्णालयात दुपारी करण्यात आली. रात्री उशिरापर्यंत या प्रकरणी सिटी कोतवाली पोलिस ठाण्यात गुन्हा दाखल झाला नव्हता. (Akola Municipal Corporation employees quarrel, dispute with the police)

अकोला महानगरपालिकेतर्फे प्रत्येक प्रभागाकरिता आरोग्य निरीक्षक नियुक्त करण्यात आले आहे. सफाईच्या कामांसाठी नियुक्त कर्मचाऱ्यांची उपस्थिती नोंदविण्याचे काम सकाळी आरोग्य निरीक्षक करतात.

यावरून तहसील कार्यालय परिसरात दोन कर्मचाऱ्यांमध्ये चांगलाच वाद झाला. त्यात एका कर्मचारी संघटनेच्या नेत्यांच्या मुलाचाही समावेश आहे. त्याने दगड मारून दुसऱ्या कर्मचाऱ्याला जखमी केले. तर कर्मचारी संघटनेच्या नेत्याच्या मुलानेही मारहाणीत हाताला दुखापत झाल्याचा आरोप केला आहे. हा प्रकरणी दोन्हीकडून सिटी कोतवाली पोलिस स्टेशनमध्ये परस्पर विरोधी तक्रार दाखल करण्यात आल्या आहेत.

संपादन - विवेक मेतकर

Akola Municipal Corporation employees quarrel, dispute with the police