Akola Asha Workers Strike: आशा वर्कर व गटप्रवर्तक संघटना अकोला-वाशीम यांच्यावतीने बुधवारी जिल्हाधिकारी कार्यालयावर चटणी भाकर खाओ आंदोलन करण्यात आले. यावेळी उपस्थित अशा वर्कर व गटप्रवर्तक महिलांनी चटणी भाकर खाऊन शासनाचा निषेध नोंदवला.

ता.१८ ऑक्टोबर २०२३ पासून संपूर्ण राज्यातील आशा वर्कर या राजव्यापी संपावर आहेत. आशा स्वयंसेविकांना कोणत्याही प्रकारची ऑनलाइन काम सांगण्यात येऊ नये, आशा स्वयंसेवकांना दरवर्षी दिवाळीपूर्वी एक महिन्याचा मोबदला बोनस स्वरूपात देण्यात यावा,

ऑक्टोबर २०१८ नंतर केंद्र शासनाने आशा स्वयंसेवकांच्या वेतनात वाढ केली नाही, केंद्र शासनाकडून वेतनात वाढ तत्काळ करण्यात यावी, आशा स्वयंसेवकांना किमान वेतन लागू करीत शासकीय सेवेत सामावून घ्यावे, आशा वर्कर यांना दिवाळीपूर्वी बोनस देण्यात यावा आणि प्रतिमा सात हजार वेतन देण्यात यावे आदी मागण्यासाठी हे आंदोलन सुरू आहे.

राज्य शासनाने सदरच्या मागण्यांबाबत कोणताही विचार न केल्यास यापेक्षा तीव्र स्वरूपाची आंदोलन छेडणार असल्याचा इशारा आंदोलक आशा स्वयंसेविकांनी दिला. (Latest Marathi News)