अकोला : पीक विमा योजनेतील प्रत्येक पात्र शेतकऱ्यांना पीक नुकसान भरपाई त्वरित मिळावी हाच पीक विमा योजनेचा हेतू असून पीक विमा प्रकरणांमध्ये ज्या ठिकाणी २५ टक्क्यांपेक्षा अधिक नुकसान झाले आहे अशा ठिकाणी सरासरीनुसार नुकसानभरपाई देण्याचे निर्देश जिल्हाधिकारी अजित कुंभार यांनी दिले.
नियोजन भवनात शुक्रवारी (ता. २) पिक विम्या बाबत बैठकीचे आयोजन करण्यात आले. त्यामध्ये ते बोलत होते. यावेळी आ. अमोल मिटकरी, आ. प्रकाश भारसाकळे, आ. हरीश पिंपळे, निवासी उपजिल्हाधिकारी विजय पाटील, कृषी अधीक्षक शंकर किरवे, मूर्तीजापूरचे उप विभागीय अधिकारी संदीप पवार,
तहसीलदार शिल्पा बोबडे आदी उपस्थित होते. २०२३-२४ हंगामातील पिक विमा योजनेतील तक्रारी त्वरित निकाली काढाव्यात तसेच अपात्र दाखवण्यात आलेल्या प्रकरणाची तपासणी करून योग्य कारवाई करण्याच्या सूचना जिल्हाधिकारी अजित कुंभार यांनी यावेळी दिल्या. यावेळी पिक विमा प्रतिनिधी, कृषी विभागाचे अधिकारी तथा शेतकरी आदी उपस्थित होते.
बैठकीत आमदार हरीश पिंपळे यांनी मूर्तिजापूर, बार्शीटाकळी तालुक्यातील शेतकऱ्यांच्या पीक विमा योजने संदर्भातील अडचणी मांडत पिक विमा प्रतिनिधींनी तपासणी करून त्वरित अडचणी सोडवण्याच्या सूचना केल्या.
आमदार प्रकाश भारसाकळे यांनी पिक विमा योजना ही शेतकऱ्यांसाठी महत्त्वपूर्ण असून एकही पात्र शेतकरी त्यापासून वंचित राहू नये याबाबत विमा प्रतिनिधींना निर्देश दिले.
आमदार अमोल मिटकरी यांनी शासनाच्या योजना अधिकाधिक शेतकऱ्यांपर्यंत पोहोचण्यासाठी कृषी विभागाने शेतकऱ्यांना केंद्रस्थानी ठेवून कार्य करण्याच्या सूचना केल्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.