अकोला - शहरातील अकोट फाईल परिसरात ईद ए मिलानुदुबी सणाच्या निमित्ताने काढलेल्या मिरवणुकीत एका अनोळखी व्यक्तीने हमास या कुख्यात आतंकवादी संघटनेच्या सदस्याचा फोटो हातात धरुन मिरवणूक काढल्याचा प्रकार उघड झाला आहे. याप्रकरणी तक्रारीवरून अज्ञात व्यक्तीविरुद्ध पोलिसांनी मंगळवारी रात्री गुन्हा दाखल केला असून त्या व्यक्तीचा शोध सुरु आहे.
संदीप बाथो यांनी अकोट फैल पोलिस स्टेशनमध्ये दिलेल्या तक्रारीनुसार, १९ सप्टेंबर रोजी सकाळी ११ वाजता मिरवणुकीमध्ये अनेक व्यक्ती विविध फोटो आणि बॅनर घेऊन सहभागी झाले होते. त्याचदरम्यान, ३० ते ३५ वर्षे वयाचा एक अनोळखी इसम, ज्याचे नाव माहीत नाही, त्याच्या हातात हमासच्या आतंकवादी अबु उबेदा याचा फोटो होता.
फोटोमध्ये अबु उबेदा गुडघ्यावर बसलेला, पांढरा रुमाल तोंडावर गुंडाळलेला, उजव्या हातात रायफल घेऊन उभा असल्याचे दिसत होते. त्या फोटोंवर 'THE REAL HERO ABU UBAIDA' असा मजकूर देखील लिहिलेला होता. तसेच, फोटोमध्ये दोन टँक आणि बंदुकधारी लोकांची अस्पष्ट चित्रे होती.
हा फोटो सार्वजनिक मिरवणुकीत प्रदर्शित करून समाजात व्देष भावना आणि धार्मिक तेढ निर्माण करण्याचा उद्देश असल्याचे बाथो यांनी म्हटले आहे. पोलिसांनी याप्रकरणी अज्ञात व्यक्तीविरुद्ध कारवाईची मागणी केली आहे. त्या व्यक्तीचा पोलिसांकडून शोध सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.