अकोला : जर्मनितील बर्लिन येथे नुकत्याच पार पडलेल्या जागतिक पातळीवरील मॅराथानमध्ये अकोल्याच्या सौ. अपर्णा पाटील व शर्व रणजीत पाटील या मायलेकांनी नियोजित वेळेत ४२ किलो मिटर अंतर पार करत बर्लिनवर यशाचा झेंडा फडकविला आहे. यावेळी त्यांना आयोजकांतर्फे अवार्ड देऊन सन्मानीत करण्यात आले.
राज्याचे माजी गृहराज्यमंत्री डॉ. रणजीत पाटील यांच्या पत्नी सौ. अपर्णा पाटील व चिरंजीव शर्व रणजीत पाटील यांनी जर्मिनीतील बर्लिन येथे आयोजित जागतिक मॅराथॉनमध्ये सहभाग घेतला होता. स्पर्धेत जगभरातून ५० हजाराच्या जवळपास स्पर्धक सहभागी झाले होते.
ही स्पर्धा सुरू झाल्यानंतर नियोजित वेळेत ४२ किलो मिटर अंतर पार करीत डॉ. सौ. अपर्णा पाटील व शर्व पाटील यांनी अवार्ड आपल्याकडे खेचून आणले.
ही स्पर्धा २६ सप्टेंबर २०२१ रोजी बर्लिन येथे पार पडली. येथे जाण्यापूर्वी शर्व पाटील यांनी मुंबई येथे आयोजित मॅराथान स्पर्धेत सहभाग घेतला होता. त्यानंतर सतत सराव करत शर्वने ही स्पर्धा यशस्वीरित्या जिंकून राज्याचे नाव जागतिक पातळीवर पोहोचविले. त्याची आई सौ. अपर्णा पाटील यांनीच त्याला धावण्याच्या शर्यतीचे धडे दिले आहेत. या मायलेकांनी जागतिक पातळीवर मिळविलेल्या यशाचे सर्वत्र कौतुक होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.