अकोला : वाहतूक नियमांच्या जनजागृतीसाठी शहर वाहतूक (Transportation) नियंत्रण शाखेमार्फत मुख्य रस्त्यांवर सूचना फलक लावण्यात आले आहेत. त्यामुळे वाहतूक नियमांचे उल्लंघन होणार नाही, सोबतच वाहन चालकांना सुद्धा कारवाईला सामोरे जावे लागणार नाही.

वाहतूक नियंत्रण शाखेमार्फत महत्वासह व आवश्यक ठिकाणी सूचना फलक लावण्यात आले आहेत. त्यामध्ये रूंगठा पेट्रोलपंप, आंबेडकर नगर, पत्रकार कॉलोनीकडून बसस्थानकाकडे न वळता उजव्या बाजूला न वळता डावे बाजूला वळावे, चिवचिव बाजाराकडून उजवी बाजूकडे पोस्ट ऑफिसकडे न वळता स्वराज्य भवन बसस्थानकाकडे वळावे. टॉवर चौकाकडून जनता भाजी बाजाराकडे विरुद्ध बाजूने जावू नये याकरिता नो एंट्री वन-वे ट्राफीकचा सूचना फलक लावण्यात आला आहे. त्यासोबतच जनता भाजी बाजारासमोर मुख्य रहदारीच्या रोडवर वाहनाचे पार्किंग करू नये, अपघात व गाडीचे नुकसान होवू नये यासाठी नो पार्किंगचे सूचना फलक वाहतूक शाखेकडून लावण्यात आलेले आहे.

अपघात होवू नये वाहतुकीचा खोळंबा होवू नये याकरिता वाहतूक नियंत्रण शाखेने सदर सूचना फलक लावले आहेत. यानंतर सुद्धा महत्वाच्या चौकात सूचना फलक लावण्यात येणार आहेत. नागरिकांनी सदर फलकवरील सूचनांचे पालन करने गरजेचे आहे, असे आवाहन वाहतूक शाखने केले आहे. अकोला महानगरात अपघात शून्य करण्यासाठी वाहतूक नियंत्रण शाखेकडून प्रयत्न करण्यात येत आहेत.