तेल्हारा : शहरात गत काही दिवसांपासून १०० रुपयाच्या स्टॅम पेपरचा तुटवडा जाणवू लागला आहे. त्यामुळे स्टॅम पेपर मिळविण्यासाठी शेतकऱ्यांना वणवण भटकावे लागत असल्याचे चित्र शहरात दिसून येत आहे.
शेतकऱ्यांनी शेतीची मशागत करून ठेवली आहे. आता खरिपाचा हंगाम तोंडावर आहे, बी-बियाणे, खते, पेरणी आणि शेतीसाठी लागणारा खर्च पाहता शेतकऱ्यांची आता पीक कर्ज काढण्यासाठी लगभग सुरू आहे.
त्यासाठी आवश्यक कागदपत्रांसह स्टॅम पेपरची शेतकऱ्यांना आवश्यकता भासत आहे. असे असले, तरी तेल्हारा शहरात १०० रुपयाचा स्टॅम पेपर शेतकऱ्यांना मिळत नसल्याची ओरड होत आहे.
येथील स्टॅम पेपर विक्रेत्यांना स्टॅम पेपर उपलब्ध करण्यासाठी सोमवार, बुधवार, शुक्रवार असे तिन दिवस ठरवून दिले आहेत. त्यासाठी त्यांना आधी चलान भरावी लागते. त्यात वारंवार येणाऱ्या सुट्या पाहता सध्या स्टॅम विक्रेत्याजवळ स्टॅम पेपर उपलब्ध नाहीत.
त्यामुळे शेतकऱ्यांना स्टॅम पेपर उपलब्ध करण्यासाठी मोठी कसरत करावी लागत आहे. ग्रामीण भागातील शेतकरी असल्याने त्यांना आपले सर्व कामे बाजुला सावरत स्टॅम पेपर मिळविण्यासाठी सध्या भटकंती करावी लागत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.