सिंदखेड: सिंदखेड राजा तालुक्यातील खामगाव खापरखुटी येथील प्रदीप श्रीरंग जाधव वय ३० वर्ष हा तरुण ता.२५ सप्टेंबर रोजी रात्री ७ ते ८ वाजेच्या दरम्यान गावाजवळ असलेल्या ओढ्याच्या पाण्यामधून वाहून केला होता. त्यांचा मृतदेह तब्बल चार दिवसानंतर तालुक्यातील किनगांव राजा गांवाजवळ असलेल्या पातळगंगा नदीमध्ये आढळून आला आहे.

तालुक्यातील खामगाव खापरखुटी येथील रहिवासी असलेला प्रदीप श्रीरंग जाधव हा तरुण जालना येथील एका खाजगी फायनान्स कंपनीमध्ये नोकरी करत होता,काम संपल्यानंतर प्रदीप जाधव ता.२५ सप्टेंबर रोजी आपल्या मूळ गावी खामगाव खापरखुटीकडे जात असताना काही अंतरावर असलेल्या नाल्यावरून जात असताना पाण्याचा अंदाज न आल्यामुळे प्रदीप जाधव यांनी पाण्यामधून गाडी टाकली होती पाण्याचा प्रवाहा जास्त असल्यामुळे गाडी व प्रदीप दोघेही पाण्यामध्ये वाहून गेले नाल्यापासून एक किलोमीटर अंतरावर प्रदीपची बॅग व हेल्मेट आढळून आले,त्याचा इतरत्र शोध घेतला परंतु कुठे शोध लागत नसल्यामुळे कुटुंबातील सदस्यांनी,नातेवाईकांनी सिंदखेड राजा पोलीस स्टेशनला जावून मोबाईल लोकेशन शोधले असता खामगाव खापरखुटी गावाजवळ आढळून आल्याने प्रदीपचा शोध घेणे सुरू केला होता.

कुटुंबातील सदस्य व नातेवाईकांनी नदीमध्ये शोध घेण्यास सुरुवात केली परंतु तो मिळून येत नव्हता.ता.२८ सप्टेंबर रोजी सकाळी ११ वाजेच्या दरम्यान किनगांव राजा पातळगंगा नदी मध्ये प्रदीप जाधव यांचा नातेवाईक व मित्र परिवाराकडून शोध घेत असताना.पत्रकार गजानन काळुसे,सतिश वायाळ,वसीम कुरेशी यांना प्रदीप जाधव यांचा मृतदेह दिसला.ठाणेदार विनोद नरवाडे यांना पत्रकार गजानन काळुसे यांनी भ्रमणध्वनी वरून तात्काळ माहिती दिली ठाणेदार विनोद नरवाडे, पोलीस कर्मचारी सुभाष गीते,शिवाजी बारगजे, अब्दुल परसुवाले,नाजिम चौधरी, मिलिंद सोनपसारे, महादेव साळवे घटना स्थळावर दाखल होवून पंचनामा करून मृतदेह कुजलेल्या अवस्थेत असल्यामुळे त्याच ठिकाणी डॉ.रेहान सय्यद यांनी शवविच्छेदन केले.

मृतक प्रदीप जाधव यांच्यावर मूळगावी शोकाकुल वातावरणात अंत्यसंस्कार करण्यात आले त्याच्या पश्चात आई-वडील, भाऊ,पत्नी व २ वर्षाची मुलगी असा परिवार आहे.प्रदीप जाधव हा तरुण शांत संयमी असल्यामुळे त्याच्या मृत्यूमुळे हळहळ व्यक्त होत आहे.