Share Market Updates: रशिया-युक्रेनयुद्धामुळे शेअर बाजारात सातत्याने होणारी घसरण आज थांबली. 28 मार्चनंतर आज पहिल्यांदाच शेअर बाजाराने सातत्यपूर्ण कामगिरी सकारात्मक कामगिरी केल्याचं पहायला मिळालं. आज सकाळपासून शेअर बाजारात दोन्ही निर्देशांकांनी वरच्या दिशेने आगेकूच केली. आज सकाळी सेन्सेक्स (Sensex) आज 369.9 अंकाच्या वाढीसह 53793.99 सुरु झाला होता तर निफ्टी (Nifty) आज 64.55 अंकाच्या वाढीसह 16078वर सुरु झाला होता. दिवसअखेर चढता आलेख कायम राहिला. दिवसअखेर तब्बल 1223.24 म्हणजेच 2.29 टक्क्यांनी वधारुन 54647.33 वर बंद झाला. तर निफ्टीमध्येही 2.07 टक्क्याची वाढ झाली. 331.90 अंकांच्या वाढीसह निफ्टी 16345.35 वर बंद झाला.

आज 38 स्टॉक्समध्ये सकारात्मक राहिले तर 12 स्टॉक्समध्ये घट झाली. एशियनपेंट, रिलायन्स, बजाज फायनान्स, महिंद्रा अॅण्ड महिंद्रा हे शेअर टॉपला राहिले. तर श्री सिमेंट, ओएनजीसी, पावरग्रिड, एनटीपीसी यांसह 12 स्टॉक्समध्ये घसरण झाली.

कालचा दिवसही शेअर बाजारासाठी वरदान ठरला, कारण गेल्या सलग 4 दिवसांची घसरण थांबलेली दिसून आली आणि सेन्सेक्स-निफ्टी हिरव्या चिन्हात बंद झाले. फार्मा आणि आयटी शेअर्सचा मोठा सपोर्ट मिळाला. व्यवहाराच्या शेवटी, सेन्सेक्स 581.34 अंकांच्या म्हणजेच 1.10 टक्क्यांच्या वाढीसह 53,424.09 वर बंद झाला. त्याच वेळी, निफ्टी 150.30 अंकांच्या म्हणजेच 0.95 टक्क्यांच्या वाढीसह 16,013.45 वर बंद झाला.