Gold Silver Rate Today : दिल्ली सराफा बाजारात सोन्या-चांदीच्या दरात घसरण नोंदवण्यात आली. आज सोन्याचा दर 105 रुपयांनी तर चांदीचा दर 833 रुपयांनी घसरला आहे. या घसरणीनंतर मंगळवारी दिल्लीत सोन्याचा भाव 56,160 रुपये प्रति दहा ग्रॅम होता.

चांदीचा दर आज 68,725 रुपये प्रति दहा ग्रॅम होता. आंतरराष्ट्रीय बाजारात सोन्याच्या भावाने प्रति औंस 1880 डॉलरची पातळी ओलांडली आहे. सोन्याने पुन्हा आठ महिन्यांचा उच्चांक गाठला आहे.

आंतरराष्ट्रीय बाजारात सोने 1880 डॉलर पार :

स्वीडन रिस्कबँक परिषदेत फेडरल रिझर्व्हचे प्रमुख जेरोम पॉवेल यांच्या विधानाकडे बाजाराची नजर होती. रॉयटर्सच्या वृत्तानुसार, पॉवेल व्याजदर वाढीबाबत स्पष्टता देऊ शकले नाहीत. त्यामुळे फेड व्याजदर कमी करणार यावर बाजाराचा विश्वास वाढला.

यामुळे डॉलर निर्देशांकात घसरण झाली आणि तो 103 च्या खाली घसरला. सध्या डॉलर सात महिन्यांच्या नीचांकी पातळीवर आहे. त्याचबरोबर सोन्या-चांदीच्या दरातही तेजी आली. सोन्याने प्रति औंस 1880 डॉलरची पातळी ओलांडली.

हेही वाचा : या महामार्गामुळं खरंच येईल 'समृद्धी'?

गुड रिटर्न्स या वेबसाइटनुसार 22 कॅरेट साठी 10 ग्रॅम सोन्याची किंमत 51,440 रुपये तर 24 कॅरेट साठी 56,120 रुपये आहे तर चांदीच्या दर कमी झाला असून आज 10 ग्रॅम चांदी 718 रूपये आहे. (gold silver price today 11 January 2023)

देशातील काही महत्वाच्या शहरातील 24 कॅरेट साठी 10 ग्रॅम सोन्याचा भाव जाणून घ्या

• चेन्नई - 57,120 रुपये

• दिल्ली - 56,280 रुपये

• हैदराबाद -56,120 रुपये

• कोलकत्ता - 56,120 रुपये

• लखनऊ - 56,280 रुपये

• मुंबई - 56,120 रुपये

• नागपूर - 56,120 रुपये

• पुणे - 56,120 रुपये

  
  

सोन्याची शुद्धता कशी जाणून घ्यावी-

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.

बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात.

24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark)-

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी. सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते