मुंबई : कोरोना महामारीमुळे दोन वर्षे गणेशोत्सवावर निर्बंध असल्याने राज्यभरात गणेशोत्सव साधेपणाने पार पडला. या उत्सवानिमित्त मुंबईतील विकसक घर खरेदीदारांना मुद्रांक शुल्कात सवलत किंवा सोन्याची नाणी अशी आकर्षक सवलत देण्याचा विचार करत आहेत. गणेश चतुर्थीपासून सुरू होणारा सणाचा हंगाम भारतात, विशेषतः महाराष्ट्रात मोठ्या भक्तिभावाने साजरा केला जातो. हा सणांचा काळ घर खरेदीसाठी शुभ मानला जातो. या कालावधीत घर खरेदीदारांना आकर्षित करण्यासाठी विकसक विविध सवलती देण्याचा विचार करत आहेत.

सवलती दिल्यास ग्राहक घर खरेदी करत असल्याने सवलती देण्याची तयारी विविध विकसक करत आहेत. असे बृहन्मुंबई डेव्हलपर्स असोसिएशनचे उपाध्यक्ष हरिश जैन यांनी सांगितले. ऑफर आणि सवलती गुंतवणूकदारांसाठी एक मोठा दिलासा आहे.

विकसकांकडून विविध ऑफर

विकसक सणाच्या कालावधीत लवचिक पेमेंट मोड आणि पर्याय ऑफर करण्याचा विचार करत आहेत. सरकारी मदतीमुळे ग्राहकांना स्टॅम्प ड्युटीच्या ऑफरही दिल्या जाऊ शकतात. शिवाय, विकसक घर खरेदीवर सुमारे ५ ते १० ग्रॅम सोन्याची नाणी देण्याच्या ऑफरचा शोध घेत आहेत.