Goldman Sachs Layoffs 2022: एकापाठोपाठ एक अनेक मोठ्या कंपन्या कर्मचारी कपात करत आहेत. आता अमेरिकन इन्व्हेस्टमेंट बँकिंग कंपनी Goldman Sachs Group, Inc. आपल्या 4000 हून अधिक कर्मचाऱ्यांना कामावरून काढून टाकण्याचा विचार करत आहे.

जागतिक मंदीमुळे कंपनी कर्मचारी कपातीचा निर्णय घेण्याच्या तयारीत आहे. जेणेकरून कंपनी मंदीच्या काळात खर्च कमी करून बाजारपेठेतील स्पर्धेत टिकू शकेल. रिटेल बँकिंग व्यवसायात कंपनीचे मोठे नुकसान होत आहे आणि अशा परिस्थितीत कंपनी समोर कर्मचारी कपात हाच एकमेव मार्ग आहे.

हेही वाचा : द वॉल ढासळतेय का?

कंपनी जगभरात 49,000 हून अधिक लोकांना रोजगार देत असल्याची माहिती आहे. सध्या कंपनीत सुमारे 81,567 कर्मचारी काम करतात.

या वर्षाच्या तिसऱ्या तिमाहीत बँकेतील कर्मचाऱ्यांची संख्या 49,000 झाली होती. कंपनीचे सीईओ सॉलोमन म्हणाले की, कर्मचाऱ्यांची संख्या कमी करून खर्च कमी करण्याचा प्रयत्न करणार आहे. कंपनी दरवर्षीच खराब कामगिरी करणाऱ्या कर्मचाऱ्यांना काढून टाकते परंतु यावेळी कर्मचाऱ्यांची संख्या जास्त असेल.

2023 मध्ये मंदीची शक्यता :

या अहवालात असे म्हटले आहे की, कंपनीतील सर्वात वाईट कामगिरी करणाऱ्या कर्मचाऱ्यांच्या वार्षिक टाळेबंदीव्यतिरिक्त असेल. सहसा बँकिंग कंपन्या दरवर्षी असे करतात. गोल्डमन कंपनी देखील 2023 मध्ये संभाव्य मंदीसाठी सज्ज आहे. सॉलोमन म्हणाले की गोल्डमनने 'काही खर्च कमी करण्याच्या योजना सुरू केल्या आहेत'. त्याचे फायदे जाणवायला थोडा वेळ लागेल.