Jio Mart Express Service Paused : रिलायन्स रिटेलच्या निर्णयामुळे जिओ मार्टच्या ग्राहकांना धक्का बसला आहे. जिओ मार्टने आपली वितरण सेवा 'एक्सप्रेस' बंद करण्याची घोषणा केली आहे.

ज्या ग्राहकांना Jio Mart द्वारे वस्तूंची डिलिव्हरी त्वरित घेण्याची सवय झाली होती त्यांच्यासाठी मोठा धक्का आहे. रिलायन्स रिटेलने कोणतीही घोषणा न करता आपली जलद वितरण सेवा बंद केली आहे.

इकॉनॉमिक टाईम्सच्या रिपोर्टनुसार, या प्रकरणाची माहिती असलेल्या लोकांनी ही बातमी दिली आहे. जिओ मार्टची ही सेवा गेल्या वर्षी मार्चमध्ये सुरू करण्यात आली होती. जिओमार्टच्या सर्व्हिस एक्सप्रेसच्या माध्यमातून लोकांना अवघ्या 90 मिनिटांत वस्तूंची डिलिव्हरी मिळायची.

जिओ मार्टच्या क्विक डिलिव्हरी सेवेचे ग्राहक यापुढे Google Play Store वरून Jio Mart Express अॅप डाउनलोड करू शकणार नाहीत आणि त्याची वेबसाइट देखील सक्रिय नाही.

त्याऐवजी त्यांनी ग्राहकांना जिओमार्ट व्हॉट्सअॅप सेवा सुरु केली आहे. जिओ मार्ट व्हॉट्सअॅप सेवेद्वारे ग्राहकांना काही तासांत वस्तूंची डिलिव्हरी मिळू शकते. जिओ मार्ट एक्सप्रेसच्या सेवेपेक्षा ही सेवा पूर्णपणे वेगळी आहे.

हेही वाचा : नेट बँकिंग सुविधा वापरताय? मग हे नक्कीच वाचा...

व्हॉट्सअॅपद्वारे जिओ मार्टची डिलिव्हरी सेवा ही मेटा इंक आणि रिलायन्स जिओ प्लॅटफॉर्म यांच्यातील भागीदारी आहे. जिओ मार्ट एक्स्प्रेस पहिल्यांदा नवी मुंबई आणि आसपासच्या भागात सुरू करण्यात आली होती आणि कंपनीने तिचा 200 शहरांमध्ये विस्तार करण्याची योजना आखली आहे.