नवी दिल्ली : सरकारी तेल कंपन्यांनी आज आठवड्याच्या पाचव्या दिवशी पुन्हा एकदा पेट्रोल-डिझेलच्या किंमतींमध्ये वाढ केली आहे. आज डिझेलच्या दरांमध्ये 33 ते 37 पैशांनी तर पेट्रोलच्या दरांमध्ये 31 ते 35 पैशांनी वाढ केली आहे. अनेक राज्यामध्ये पेट्रोल-डिझेलचे दर 100 रुपयांच्या पार गेले आहेत. सामान्य माणसांच्या खिशाला कात्री लावणारी ही दरवाढ या ऑक्टोबर महिन्यात जवळपास दर दिवशी झाली आहे.

सध्या दिल्लीमध्ये पेट्रोलचे भाव 106.89 रुपये तर डिझेलचे दर 95.62 रुपये प्रति लीटर आहेत. मुंबईमध्ये पेट्रोलची किंमत 112.78 रुपये तर डिझेलची किंमत 103.63 रुपये प्रति लीटर आहे. कोलकातामधअये पेट्रोलचे दर 107.44 रुपये तर डिझेलचे दर 98.73 रुपये प्रति लीटर आहे तर चेन्नाईमध्ये पेट्रोलची किंमत 103.92 रुपये तर डिझेलची किंमत 99.92 रुपये प्रति लीटर आहे.

अशा आहेत किंमती

शहर डिझेल पेट्रोल

दिल्ली 95.62 106.89

मुंबई 103.63 112.78

कोलकाता 98.73 107.44

चेन्नई 99.92 103.92

या राज्यात पेट्रोल शंभरीपार

मध्यप्रदेश, राजस्थान, महाराष्ट्र, आंध्र प्रदेश, तेलंगना, कर्नाटक, ओडिसा, जम्मू-काश्मीर आणि लडाखमध्ये पेट्रोलचे भाव 100 रुपयांच्या पार गेले आहेत मुंबईमध्ये पेट्रोलची किंमत सर्वाधिक आहे.