येत्या २२ ऑक्टोबरपासून राज्यातील थेटर्स आणि मल्टिप्लेक्सेस पुन्हा सुरू होणार असल्याची घोषणा मुख्यमंत्री उद्धव ठाकरे यांनी केली. यानंतर पीव्हीआर आणि आयनॉक्स या कंपन्यांच्या शेअर्समध्ये वाढ झाल्याचं पाहायला मिळालं.

मल्टीप्लेक्स ऑपरेट करणाऱ्या पीव्हीआर आणि आयनॉक्स लेझरचे शेअर्स आता आठवड्यांच्या उच्चांकावर पोहोचले आहेत. मल्टीप्लेक्स उघडण्याची महाराष्ट्र सरकारने घोषणा केल्यानंतर सोमवारी इंट्रा-डे व्यापारात बीएसईवर 18 टक्क्यांपर्यंत वाढ झाली.

वैयक्तिक शेअर्समध्ये आयनॉक्स लेझर 18 टक्क्यांनी वाढून 412.20 रुपयांवर पोहोचला. 22 सप्टेंबर 2021 रोजी 384.10 रुपयांची उसळी घेत उच्चांक गाठला होता. या 52-आठवड्यांच्या उच्चांकाला मागे टाकत इंट्रा-डे ट्रेडमध्ये बीएसईवर पीव्हीआर 10 टक्क्यांनी वाढून 1,662 रुपये झाला आहे. 22 सप्टेंबर रोजी स्टॉकने मागील उच्चांकाची (1,631.85) मर्यादा ओलांडली आहे.

आज सकाळी शेअर बाजार सुरू झाल्यानंतर 09:45 वाजता; या दोन्ही शेअर्सने उसळी घेतला. आयनॉक्स 10.5 टक्क्यांनी वाढून 387 रुपयांवर आणि पीव्हीआर 6 टक्क्यांनी वाढून 1,599 रुपयांवर आला. बीएसईवर S&P BSE सेन्सेक्स 0.50 टक्क्यांनी वाढून 60,348 वर आला होता.

हिंदी बॉक्स ऑफिसच्या उत्पन्नात सुमारे 25 टक्के वाटा असलेल्या महाराष्ट्र चित्रपटगृहांसाठी सर्वात मोठी बाजारपेठ आहे. हे देशातील एकमेव मोठे राज्य आहे ज्याने दुसऱ्या लाटेनंतर कोविड -19 निर्बंध लादल्यापासून अद्याप सिनेमागृहे पुन्हा सुरू करण्याची परवानगी दिली नव्हती. मात्र आता सिनेमागृहांना परवानगी मिळाल्याने पीव्हीआर आणि आयनॉक्स बाजारात चर्चेचा विषय ठरले आहेत.