Mukesh Ambani Deal : रिलायन्स इंडस्ट्रीजचे मालक आणि आशियातील दुसरे सर्वात श्रीमंत व्यक्ती मुकेश अंबानी आपला व्यवसाय सतत वाढवत आहेत. अलीकडे त्यांनी अनेक नवीन व्यवसायांमध्ये गुंतवणूक करण्याचा निर्णय घेतला आहे.

आता त्यांचे लक्ष एका मोठ्या परदेशी कंपनीवर आहे. Thrive Capital असे या कंपनीचे नाव आहे. 2009 मध्ये जोश कुशनर यांनी याची सुरुवात केली होती.

ब्लूमबर्गने आपल्या अहवालात म्हटले आहे की, मुकेश अंबानी यांच्याशिवाय फ्रान्सचे झेवियर नील आणि ब्राझीलचे जॉर्ज पॉलो लेमन हे देखील थ्राईव्ह कॅपिटलमधील सुमारे 3.3 टक्के हिस्सेदारी खरेदी करण्याच्या शर्यतीत आहेत.

हेही वाचा : ...इथं बनतो आपला लाडका तिरंगा

कंपनीतील 3.3 टक्के हिस्सा खरेदी करण्याचाही त्यांचा विचार आहे. वॉल्ट डिस्नेचे सीईओ रॉबर्ट इगर आणि केकेआर अँड कंपनीचे संस्थापक हेन्री क्रॅव्हिस हे देखील या शर्यतीत आहेत.

अंबानी इतके दशलक्ष डॉलर्स खर्च करतील :

ब्लूमबर्गने अहवालात पुढे म्हटले आहे की, 'थ्राईव्ह कॅपिटलमधील 3.3 टक्के हिस्सा खरेदी करण्यासाठी मुकेश अंबानींना 175 दशलक्ष डॉलर खर्च करावे लागतील. या कराराचे मूल्य Thrive Capital 5.3 अब्ज डॉलर आहे.

वर्ष 2021 मध्ये, त्याचे मूल्य 3.6 अब्ज डॉलर होते. त्यावेळी कंपनीने गोल्डमन सॅक्स ग्रुपला काही स्टेक विकले होते. मात्र नंतर ते मागे घेण्यात आले.

मुकेश अंबानी श्रीमंतांच्या यादीत :

मुकेश अंबानी सध्या जगातील 12 वे सर्वात श्रीमंत व्यक्ती आहेत. त्यांचा नेटवर्थ ब्लूमबर्ग अब्जाधीश निर्देशांकाने 83.9 अब्ज डॉलर सांगितला आहे. ते आता इतर क्षेत्रातही व्यवसाय वाढवत आहे.

काही काळापासून ते जगातील टॉप 10 श्रीमंत लोकांच्या यादीत समाविष्ट होते. पण काही दिवसांपूर्वी त्यांना खूप नुकसान सहन करावे लागले आणि ते श्रीमंतांच्या यादीतून बाहेर पडले आहेत. गेल्या 24 तासांत त्यांचे 838 दशलक्ष डॉलरचे नुकसान झाले आहे.

थ्राईव्ह फर्मने कम्पास इंक, ओपेनडोर टेक्नोलॉजीज इंक, ऑस्कर हेल्थ इंक, सेलिब्रिटी किम कार्दशियां, हिम्स एंड हर्स हेल्थ इंक, यूनिटी सॉफ्टवेयर इंक, एफर्म होल्डिंग्स इंक यासह विविध कंपन्यांमध्ये गुंतवणूक केली आहे.