Share Market : शेअर बाजारात असे अनेक शेअर्स आहेत ज्यांनी आपल्या गुंतवणुकदारांना दमदार रिटर्न देत श्रीमंत केले आहे. अशाच शेअर्समध्ये संदूर मँगनीज अंड आयर्न ओर लिमि़टेडची (Sandur Manganese and Iron Ore Limited -SMIORE) गणना होते.

संदूर लिमिटेड ही हायड्रॉलिक पॉवरच्या उत्पादनासोबत बेस्ट लो ग्रेड, लो-फॉस्फरस, मॅंगनीज आणि लोह खनिजाच्या खाणकामात गुंतले आहेत. संदूर लिमिटेडचा शेअर सध्या 732.20 रुपयांवर व्यवहार करत आहे.

हेही वाचा : Love Jihad: प्रेमाला धर्म आहे...?

या शेअरने गेल्या दोन वर्षांत जवळपास 130% परतावा दिला आहे. 21 डिसेंबर 2020 रोजी हा शेअर 327.86 रुपयांवर व्यापार करत होता आणि दोन वर्षांच्या होल्डिंग कालावधीत त्यानं उत्कृष्ट परतावा दिला आहे. तर एस अँड पी बीएसई स्मॉलकॅप इंडेक्सने दोन वर्षांत केवळ 67.31% परतावा दिला आहे.

कंपनीच्या निव्वळ महसुलात 15.4% वार्षिक घट होऊन ती 478.50 कोटी रुपयांवर गेली आहे. कंपनीचा नफा वर्षभरात 87% घसरून 21.91 कोटी रुपये झाला आहे. कंपनी सध्या 5.24x च्या टीटीएम पीईवर व्यापार करत आहे तर इंडस्ट्री पीई 9.25x वर आहे.

कंपनीने अनुक्रमे 50% आणि 57% आरओई आणि आरओसीई गाठले आहे आणि तिचे बाजार भांडवल 1984.12 कोटी आहे. संदूर लिमिटेडच्या शेअरचा ऑल टाईम हाय 1700.13 रुपये आहे. सध्या हा शेअर 755.05 रुपयांवर ट्रेड करत आहे.

याचा अर्थ हा शेअर सध्या डिस्काउंटवर मिळत आहे. येत्या काळात या शेअरमध्ये चांगली तेजी दिसून येईल असा विश्वास बाजारातील तज्ज्ञ व्यक्त करत आहेत.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.