रिझर्व बँकेने (RBI) आज पतधोरण जाहीर केल्यानंतर शेअर बाजारात उसळी पाहायला मिळाली. मुंबई शेअर बाजाराचा 30 शेअर्सचा सेन्सेक्स (Sensex) 460 अंकांनी वाढून 58,926 वर बंद झाला तर निफ्टी (nifty) निर्देशांक देखील 142 अंकांनी वाढत 17,606 च्या पातळीवर बंद झाला.

आठवड्याच्या चौथ्या दिवशीसुध्दा शेअर बाजार हिरव्या चिन्हावर उघडला. सेन्सेक्सने 213 अंकांची उसळी घेत 58,679 स्तरावर, तर निफ्टीने 67 अंकांनी वधारून 17,541 पातळीवर व्यापार सुरू केला. विशेष म्हणजे बुधवारी शेअर बाजार (Share Market) हिरव्या चिन्हावर उघडला आणि दिवसभराच्या व्यवहारानंतर अखेर सलग दुसऱ्या दिवशी उसळी घेऊन बंद झाला.