शेअर बाजारात आजही चांगली तेजी असल्याचे दिसून आली. सेन्सेक्सने आज पुन्हा एकदा 60 हजार अंकांचा टप्पा ओलांडला आहे. जवळपास चार महिन्यानंतर सेन्सेक्सने 60 हजार अंकांचा टप्पा ओलांडला आहे.

आजही शेअर बाजारात तेजी कायम राहिली. गेल्या आठवड्यात शेअर बाजारात चढउतार पाहायला मिळाले होते. पण या आठवड्याच्या सुरवातीपासूनच शेअर बाजारात तेजी दिसून येत आहे. आज शेअर बाजाराच्या सुरवातीला 138 अंकांच्या तेजीसह सुरू होऊन 59,980 वर गेला तर 60,260 वर बंद झाला. तर निफ्टी 49 अंकाच्या तेजीसह 17,873 वर सुरू होऊन 17,944 वर बंद झाला.

आज मुंबई शेअर बाजारातील एनटीपीसी, बजाज फायनान्स, बजाज फिनसर्व्ह, हिंदुस्थान युनिलिव्हर, एशियन पेंट्स, रिलायन्स इंडस्ट्रीज, एल अॅण्ड टी, अल्ट्राटेक सिमेंट, टायटन, आयटीसी, टेक महिंद्रा, नेस्ले, अॅक्सिस बँक, इंडसइंड बँक, विप्रो, पॉवरग्रीड, सन फार्मा सारख्या कंपन्यांच्या शेअर दरात तेजी दिसून आली आहे.

टीसीएस, कोटक महिंद्रा बँक, इन्फोसिस, टाटा स्टील, एचडीएफसी बँक, एचडीएफसी आणि महिंद्रा अॅण्ड महिंद्रा आदी कंपन्यांच्या शेअर दरात घसरण दिसून आली आहे.