Share Market Live Updates: रिझर्व्ह बँकेचे गव्हर्नर शक्तिकांत दास (Shaktikanta Das) यांनी काल रेपो दरात 0.40 टक्क्यांनी वाढ केल्याची घोषणा केली आहे. आरबीआयच्या (RBI) या निर्णयानंतर शेअर बाजार कोसळला होता. परंतु आजच्या दिवसाच्या सुरुवातीला मात्र शेअर बाजार सावरला आहे. सेन्सेक्स आणि निफ्टी दोन्ही निर्देशांक हिरव्या चिन्हात सुरु झाले. सेन्सेक्स 586.04 अंकाच्या वाढीसह 56,255.07वर सुरु झाला, तर निफ्टी 177.15 अंकांनी वधारून 16,854.75वर सुरु झाला. HINDALC, ONGC, TATASTEEL, HEROMOTOCOसह निफ्टी 50 मधील 41 शेअर्स आजच्या दिवसाच्या सुरुवातीला वधारले, तर NESTLEIND, TATACONSUM, NTPC, APOLLOHOSP यांसह 9 शेअर्समध्ये घसरण नोंदवली गेली.

दरम्यान काल रिझर्व्ह बँकेच्या निर्णयानंतर शेअर बाजारात मोठी घसरण झाली. सेन्सेक्स आणि निफ्टी दोन्ही निर्देशांक कोसळले. काल सेन्सेक्स 1,306.96 अंकांची म्हणजे 2.29 टक्क्यांच्या घसरणीसह 55.669.03 वर बंद झाला, तर निफ्टी तब्बल 391.50 अंकांच्या म्हणजेच 2.29 टक्क्यांच्या घसरणीसह 16677.60वर बंद झाला.

काल दिवसअखेर केवळ 5 शेअर्स हिरव्या चिन्हात बंद झाले तर 45 शेअरमध्ये घट झाली. सकारात्मक कामगिरी करणाऱ्या शेअर्समध्ये ONGC, BRITANNIA, POWERGRID, NTPC, KOTAKBANK यांचा समावेश होता, तर APOLLOHOSP, ADANIPORTS, HINDALCO, TITAN, BAJAJFINCE सह 45 शेअर्स मोठ्या घसरणीसह बंद झाले.