Share Market Updates Today: आज आठवड्याच्या पहिल्याच दिवसाच्या सुरुवातीला शेअर बाजार कोसळला आहे. शेअर बाजारात मोठी घसरण झाली आहे. सेन्सेक्स आणि निफ्टी दोन्ही निर्देशांकांनी गॅप डाऊन ओपनिंग दिलं. आजच्या दिवसाच्या सुरुवातीला सेन्सेक्स 1,000.35 अंकांनी घसरून 57,338.58 वर सुरु झाला तर निफ्टी 292.2 अंकांनी घसरून 17,183.45वर सुरु झाला. निफ्टी 50 मधील 42 शेअर्समध्ये दिवसाच्या सुरुवातील घट झाली, तर केवळ 8 शेअर्समध्ये वधारल्याचं पाहायला मिळालं.

तत्पूर्वी बुधवारी सलग तिसऱ्या दिवशी भारतीय शेअर बाजारात विक्रीचा जोर राहिला. महागाईच्या चिंतेमुळे बाजारावर दबाव राहिला. व्यवहाराच्या शेवटी सेन्सेक्स 237.44 अंकांनी म्हणजेच 0.41 टक्क्यांनी घसरून 58,338.93 वर बंद झाला. दुसरीकडे, निफ्टी 54.65 अंकांनी अर्थात 0.31 टक्क्यांनी घसरून 17,475.65 वर बंद झाला.

मागच्या सुट्टीच्या आठवड्यात सेन्सेक्स आणि निफ्टी अनुक्रमे 1.8 टक्के (1,108.25 अंक) आणि 1.7 टक्क्यांनी (308.65 अंक) घसरले. 14 एप्रिलला आंबेडकर जयंती आणि महावीर जयंती तर 15 एप्रिलला गुड फ्रायडेनिमित्त बाजार बंद होता.