Share Market : शेअर बाजारात सध्या मोठ्या प्रमाणात अस्थिरता आहे. कधी बाजारात तेजी दिसते तर कधी घसरण दिसून येते. अशा कमजोर बाजारात पोन्नी शुगर्सच्या (Erode) शेअर्समध्ये गुरुवारी 11 टक्क्यांनी वाढ झाली आहे.

या शेअरने इंट्रा-डे दरम्यान 479.15 रुपयांचा ऑल टाईम तेजीत आहे. तीन महिन्यांत या शेअरने गुंतवणूकदारांना 100% परतावा दिला आहे. 28 सप्टेंबरला शेअरची किंमत 240 रुपये होती.

या शेअरचा मागील उच्चांक 19 डिसेंबरला 455 रुपये होता. गुरुवारी बाजार बंद होताना हा शेअर 470 रुपयांवर गेला.

गेल्या एका महिन्यात सेन्सेक्समधील 3.4 टक्क्यांच्या घसरणीच्या तुलनेत हा शेअर 52.45 टक्क्यांनी वाढला आहे. इथेनॉलवरील वस्तू आणि सर्व्हिस टॅक्स (GST) दर कमी करण्याच्या सरकारच्या निर्णयाच्या आशेने आणि अतिरिक्त साखरेला परवानगी देण्याच्या सरकारच्या निर्णयामुळे साखरेच्या किमती वाढतील असे कंपनीने सांगितले.

हेही वाचा : जोखमीचे भान राखूनच करा SIP मध्ये गुंतवणूक

28 ऑक्टोबरला सप्टेंबर तिमाहीचे (Q2FY23) निकाल जाहीर करताना, पोन्नी शुगर्सने (Erode) H2FY23 मध्ये (ऑक्टोबर-मार्च) आपली मजबूत कामगिरी चालू ठेवण्याचा विश्वास कंपनीने व्यक्त केला.

नवीन ब्राझिलियन पीक येण्यापूर्वी देशाला पुढील 5-6 महिन्यांत निर्यात वाढवण्याची नितांत गरज असल्याचेही कंपनीने म्हटले.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.