मुंबई - देशातली सर्वात मोठी सरकारी बँक असलेल्या स्टेट बँकेने (State Bank) आपल्या एफडी चे व्याजदर (FD Interest Rate) 0.10 टक्के वाढवले आहेत.

एक ते दोन वर्षे मुदतीच्या ठेवींवरील व्याजदर आता पाच टक्क्यांऐवजी 5.10 टक्के होतील. तर ज्येष्ठ नागरिकांसाठीचा व्याजदर आता 5.50 टक्क्यांऐवजी 5.60 टक्के राहील. हे दर दोन कोटी रुपयांपेक्षा कमी रकमेच्या एफडी वरचे असतील. 15 जानेवारीनंतर हे नवे व्याजदर लागू होतील.

इतर कालावधीच्या एफडी चे व्याजदर आहे तेच राहतील. पाच ते दहा वर्षांच्या कालावधीच्या एफडीसाठी स्टेटबँक सर्वात जास्त म्हणजे 5.40 टक्के व्याजदर देते. ज्येष्ठ नागरिकांसाठी हा दर 6.20 टक्के आहे. दोन ते तीन वर्षांच्या एफडीसाठी 5.10 टक्के तर तीन ते पाच वर्षे कालावधीच्या एफडीसाठी 5.30 टक्के व्याजदर आहे.