Share Market Updates: होळी, तसेच शनिवार आणि रविवार अशा तीन दिवसांच्या सुट्टीनंतर आज (सोमवारी) शेअर बाजार स्थिर पातळीवर सुरु झाला. सेन्सेक्स आणि निफ्टी दोन्ही निर्देशांकात आज किंचित वाढ दिसून आली. सेन्सेक्स 166.48 अंकांच्या वाढीसह 58,030.41 वर सुरु झाला तर निफ्टीही 42.45 अंशाच्या वाढीसह 17,329.50 वर सुरु झाला. (Sensex & Nifty Updates)

तत्पूर्वी गुरुवारी सेन्सेक्स 1047 अंकांनी वाढून 57,864 वर बंद झाला. त्याचवेळी निफ्टी 312 अंकांनी वाढून 17,287 वर बंद झाला. निफ्टी बँक 680 अंकांनी वाढून 36,429 वर बंद झाला. तर मिडकॅप 393 अंकांनी वाढून 28,978 वर बंद झाला. सेन्सेक्समधील 30 पैकी 28 शेअर्स वधारले. त्याच वेळी, निफ्टीच्या 50 पैकी 45 शेअर्समध्ये वाढ झाली. निफ्टी बँकेच्या 12 पैकी 10 शेअर्समध्ये वाढ झाली.(Todays Share Market News Updates)

US FED च्या निर्णयामुळे शुक्रवारी निफ्टी-सेन्सेक्स दोन्ही अडीच टक्क्यांहून अधिक वाढले, निफ्टी 17300 च्या जवळ बंद झाला, त्यानंतर बँक निफ्टीने चांगली कामगिरी केली. आयटी वगळता बीएसईचे सर्व क्षेत्र निर्देशांक तेजीत राहिले. रियल्टी निर्देशांक 3% पेक्षा जास्त वाढला आहे. ऑटो, कंझ्युमर ड्युरेबल्स 2.5% पेक्षा जास्त वाढले.