शेअर बाजार हे एक खुप मोठं व्यावसायिक जाळ असून येथे अनेक प्रकारचे शब्द वापरले जातात. हे शब्द गुंतवणूकदारांच्या नेहमी मुखावर असतात. डिविडेंड, शेयर बायबैक, स्टॉक स्प्लिट सारखे शब्द अनेकदा ऐकायला मिळतात. पण स्टॉक स्प्लिट म्हणजे नेमकं काय? स्टॉक स्प्लिटमध्ये नेमकं काय असतं? गुंतवणूकदार का आणि कशासाठी या शब्दाचा वापर करतात? याविषयी आपण जाणून घेणार आहोत.

स्टॉक स्प्लिट म्हणजे काय?

स्टॉक स्प्लिट म्हणजे शेअर स्प्लिट. सोप्या भाषेत सांगायचे तर, कोणताही एक पार्ट तोडून त्या पार्टचे दोन किंवा अधिक पार्ट करणे. स्टॉक स्प्लिटद्वारे, कंपन्या त्यांचे शेअर्स एकापेक्षा जास्त शेअर्समध्ये विभाजित करू शकतात.

स्टॉक स्प्लिट करण्याची का आवश्यकता असते?

शेअर मार्केट तज्ज्ञांच्या मते, जेव्हा एखाद्या कंपनीचा शेअर खूप महाग असतो तेव्हा छोटे गुंतवणूकदार त्यात गुंतवणूक करण्यास टाळतात. अशावेळी या छोट्या गुंतवणूकदारांसाठी कंपनी स्टॉक स्प्लिट करते. सोबतच शेअर मार्केटमधील मागणी वाढवण्यासाठीही कंपन्या अनेकदा स्टॉक स्प्लिट करतात.

शेअरहोल्डर काय फायदा होतो?

जर एखाद्या कंपनीच्या शेअरची किंमत जास्त असेल तर शेअरचे दोन भाग केले जातात. एखाद्या कंपनीने स्टॉक स्प्लिट केल्यास, शेअरहोल्डर यांना तिच्याकडे असलेल्या प्रत्येक शेअरसाठी एक अतिरिक्त शेअर दिला जातो. यामुळे शेअरहोल्डर यांच्या जवळ शेअर्सची संख्या दुप्पट होते.

उदाहरण, एखाद्या शेअरहोल्डरकडे कंपनीचे 400 शेअर्स आहेत आणि कंपनीने स्टॉक स्प्लिट करून 1 शेअर 2 मध्ये विभागले, तर शेअरहोल्डरकडे आता कंपनीचे 800 शेअर्स असतील. मात्र यामुळे त्यांच्या गुंतवणुकीच्या किंमतीवर काहीही परिणाम होणार नाही.कारण स्टॉक स्प्लिट केल्याने प्रत्येक शेअरची किंमत अर्धी होत जाते

स्टॉक स्प्लिटमुळे कंपनीवर काय परिणाम होतो?

स्टॉक स्प्लिट कंपनीच्या शेअर्समध्ये लिक्विडिटी आणते. लहान गुंतवणूकदारांचा कल स्टॉककडे वळतो. किंमत कमी झाल्यामुळे स्टॉकची तेजी वाढण्याची शक्यता वाढते. कमी वेळासाठी कंपनीच्या शेअर्स वर येतात.मात्र याचा कंपनीच्या मार्केट कैपिटलाइजेशनवर काहीही परिणाम होत नाही.