Vastu Shastra: घर कसं असावं, कुठली गोष्ट कुठे ठेवावी, याचे काही नियम आहेत. या नियमांविषयी तुमच्यापैकी अनेक जणांना माहिती असेलच.

रोज चपात्या करण्यासाठी वापरलं जाणारं पोळपाट लाटणं कुठे ठेवायचं याचेही नियम वास्तूशास्त्रात सांगितलेले आहेत. या गोष्टी चुकीच्या पद्धतीने ठेवल्याने तुम्हाला आर्थिक नुकसानही सोसावं लागू शकतं.

पोळपाट- लाटणे कधी विकत घ्यावे?

वास्तुशास्त्राने हा दिवसही ठरवून दिला आहे. बुधवारी पोळपाट लाटणं खरेदी करणं शुभ मानलं जातं. या दिवशी खरेदी केल्यास आर्थिक लाभ होतो. तर मंगळवार व शनिवारी पोळपाट लाटणे खरेदी केल्यास जीवनात समस्या निर्माण होऊ शकतात.

कोणत्या प्रकारचे पोळपाट लाटणे घ्यावे?

वास्तुशास्त्रानुसार, स्टीलचे पोळपाट लाटणे वापरणं चांगलं आहे. लाकडाच्या पोळपाट लाटण्यामध्ये बुरशी लागण्याची शक्यता असते, त्यामुळे त्याचा आपल्या शरीरावर गंभीर परिणाम होऊ शकतो. पोळपाट सपाट जमिनीवर ठेवून बघावे.

ते हलणार नाही, हे पाहून खरेदी करावे. लाटण्याचे विविध प्रकार असतात - ज्यामध्ये पापडासाठीच्या लाटण्याचाही समावेश असतो. त्यामुळे लाटणे आपल्या गरजेनुसार निवडावे.

हे करू नये!

- पोळपाट लाटणे उलटे ठेवू नये.

- धान्याच्या डब्ब्यावर ठेवू नये.

- पोळपाट लाटण्यावर काम करताना आवाज होऊ नये.

- तुटलेलं पोळपाट लाटणं वापरू नये.

- वापरल्यानंतर पोळपाट लाटणं अस्वच्छ ठेवू नये.