सांगली ः हॉर्ट ऑफ सिटीतील धामणी रस्त्यावर मॉर्निंग वाकर्सची संख्या अधिक असते. आज सकाळी आठची वेळ होती... दोघे युवक दुचाकीवरून आले. एका हॉटेलजवळील गल्लीत त्यांनी एका वृद्धेला गाठले. त्यांच्याकडून गोड बोलून दागिने (सोन्याच्या बांगड्या) काढून घेतले. त्याचवेळी ते दागिने घरी सुरक्षित पोहचवतो, असे सांगून चोरट्यांनी धूम ठोकली. सकाळी आठच्या सुमारास भरवस्तीत चोरट्यांनी साडेपाच तोळ्याच्या बांगड्या घेवून धूम ठोकली. या घटनेनंतर परिसरात एकच खळबळ उडाली. दरम्यान, विश्रामबाग पोलिसांनी घटनास्थळी धाव घेतली. दोघा अज्ञाताविरोधात गुन्हा नोंद केला. याप्रकरणी राजश्री रामचंद्र गायकवाड (वय ६५) यांनी फिर्याद दिली.

पोलिस आणि घटनास्थळावरून मिळालेली माहिती अशी की, श्रीमती गायकवाड या धामणी रस्त्यावरील परख हॉटेलसमोरील बाजूस कुटुंबासह राहण्यास आहेत. आज सकाळी त्या फिरायला घराबाहेर पाडल्या. आठच्या सुमारास मुख्य रस्त्यावरून त्या घराकडे चालल्या होत्या. त्याचवेळी दुचाकीवरून तोंडाला बांधलेले दोन युवक त्यांच्यासमोर आले. त्यांनी गायकवाड यांनी बोलण्यात गुंतवले. त्याचवेळी एका संशयिताने तुमचे दागिने काढून माझ्या हातात द्या, ते सुरक्षित घरी पोहचवतो, असे सांगितले. गायकवाड यांनी त्यांच्या हातातातील साडेपाच तोळ्याच्या दोन बांगड्या काढून त्यांच्या हातात ठेवल्या. बांगड्या मिळताच क्षणात चोरट्यांनी धूम ठोकली. अचानक झालेल्या घटनेमुळे गायकवाड घाबरल्या. त्यांनी आरडाओरडा केला, परंतू चोरटे पसार झाले.

दरम्यान, घटनेनंतर विश्रामबागचे निरीक्षक ईश्‍वर ओमासे यांच्या पथकाने घटनास्थळी भेट दिली.त्यावेळी परिसरातील सीसीटीव्ही फुटेज तपासणी केली. सराईत चोरट्याने ही चोरी केली असवा, असा प्राथमिक अंदाज व्यक्त करण्यात आला. पोलिसांनी तत्काळ तपासासाठी पथके रवाना केली. घटनेमुळे परिसरात धबराहट पसरली आहे.

अंगठ्या वाचल्या...

दोघ्यांनी वृद्धेला बातावणी केली गंडा घातला खरा मात्र, त्यावेळी बांगड्यांसोबत अंगठ्याही काढून दिल्या होत्या. त्यावेळी त्यातील एका संशयिताने त्या अंगठ्या पुन्हा परत दिल्या. सुदैवाने त्या अंगठ्या वाचल्या, अशी चर्चा परिसरात होती.