Kaal Sarp Yog : कालसर्प योग हा शब्द तुम्ही ऐकलाच असेल. कालसर्प योगाच्या नावाने अनेकजण घाबरतात परंतु याबद्दल घाबरण्याची किंवा काळजी करण्याची अजिबात गरज नाही. असं म्हणतात की आपल्याला या जन्मी येणाऱ्या यातना या मागल्या जन्मातील कर्माचे भोग असतात. मात्र प्रत्येक समस्येवर उपाय हा असतोच.

जेव्हा व्यक्तीच्या कुंडलीत सर्व ग्रह राहू आणि केतू यांच्यामध्ये असतात तेव्हा कालसर्प योग तयार होतो. मात्र यावर उपायसुद्धा आहे. उपायाबाबत जाणून घेऊया सविस्तर.

असे मानले जाते की श्रावण महिन्यात सर्व देवी-देवता पृथ्वीवर येतात. भोलेनाथ देखील यावेळी पृथ्यीवर येतात. 17 ऑगस्ट ते 15 सप्टेंबर 2023 पासून श्रावण महिना सुरू होणार आहे. यावेळी प्रत्येकाला शिवाला प्रसन्न करण्यासाठी पुरेसा वेळ मिळणार असल्याचे सांगितले जाते. ज्यावेळी कुंडलीत नागाची नाराजी असते तेव्हा भगवान शंकराची पूजा करणे महत्त्वाचे असते.

श्रावण महिन्यात भोलेनाथाची पूजा करून नागराजही प्रसन्न होतात आणि आशीर्वाद देतात. भोलेनाथ प्रसन्न झाल्यावर नाग देवतेचा रागही आपोआप संपतो. काल सर्प दोष निवारणासाठी श्रावण महिना हा सर्वात योग्य काळ मानला जातो. या महिन्यात महामृत्युंजय किंवा ओम नमः शिवाय मंत्राचा जप करावा. (Astrology)

या संपूर्ण काळात भोलेनाथाला अभिषेक करूनही नागराज प्रसन्न होतात. रुद्राक्षाच्या जपमाळेने महामृत्युंजय मंत्राचा 1 लाख 32 हजार वेळा जप करावा. नित्य दुर्गा सप्तशतीचे पठण केल्याने शिव शंकरही प्रसन्न होतात. शिवलिंगावर दूध, गंगाजल आणि मध यांचा अभिषेक केल्यानंतर बिल्वाचे पान अर्पण केल्याने काल सर्प योग शांत होतो. (Lord Shiva)