Panchang 1st January 2023 :​ नवीन वर्षाच्या शुभेच्छा देताना आपण भरभराट, समृध्दी याच्या शुभेच्छा व्यक्त करतो. पण यंदाचं वर्ष खरोखर शुभयोग घेऊन येत आहे. पहिल्याच दिवशी दुर्मिळ शुभ योग जुळून येत आहे. या दिवशी पूजा केल्याने वर्षभर भरभराट होईल, असं ज्योतिष्यांचा अनुमान आहे.

२०२३ च्या पहिल्या दिवशी शुभयोग

• पंचांगानुसार १ जानेवारी २०२३ ला दोन अत्यंत शुभयोग येत आहेत.

• शिव योग - सकाळी ७.२३

• सिध्द योग - सकाळी ७.२३ नंतर

• असं मानलं जातं की, या योगात केलेलं काम विशेष फलदायी असतं. या काळात केलेलं काम मंगलमय असतं.

दोन राशींचे ग्रह स्वराशीत राहतील

शनि आणि गुरू हे स्वराशीत राहणार असल्याने ही स्थिती अत्यंत शुभ मानली जाते. शनि मकर राशीचे तर गुरू मीन राशीचे स्वामी आहेत. शास्त्रात मानलं गेलं आहे की, जेव्हा कोणता ग्रह स्व राशीत असतो तो अत्यंत शुभ योग असतो. हा योग नवीन वर्षात पहिल्याच दिवशी आला आहे.

राहू आणि चंद्र एकत्र असणं अशुभ

नवीन वर्षात १ तारखेला चंद्राचं गोचर मेष राशीत होत आहे. पण इथे राहू आधीच विराजमान आहे. अशा स्थितीला चांगलं समजलं जात नाही.