पंचांग

रविवार : चैत्र कृष्ण ११, चंद्रनक्षत्र शततारका, चंद्रराशी कुंभ, चंद्रोदय पहाटे ४.१७, चंद्रास्त दुपारी ३.१९, वरुथिनी एकादशी, श्री वल्लभाचार्य जयंती, भारतीय सौर चैत्र २६ शके १९४५.

दिनविशेष

१९९९ : चालकरहित ‘निशांत’ या विमानाची व जमिनीवरून हवेत मारा करणाऱ्या ‘त्रिशुल’ या क्षेपणास्त्राची चंडीपूर येथे यशस्वी चाचणी.

२००४ : सौरभ गांगुलीच्या नेतृत्वाखालील भारतीय क्रिकेट संघाने पाकिस्तानात प्रथमच कसोटी मालिका जिंकून इतिहास घडवला. निर्णायक तिसऱ्या कसोटी सामन्यात भारताने एक डाव आणि १३१ धावांनी विजय मिळवून तीन कसोटींची मालिका २-१ अशा फरकाने जिंकली.

२००४ : जम्मू ते उधमपूर या लोहमार्गावर प्रथमच मालगाडीची यशस्वी चाचणी. काश्‍मीर खोऱ्याला देशातील इतर भागाशी रेल्वेने जोडणारा हा महत्त्वाकांक्षी राष्ट्रीय प्रकल्प आहे.

२०१५ : स्वदेशी बनावटीच्या अण्वस्त्रवाहू ‘अग्नी-३’ क्षेपणास्त्राची व्हीलर बेटावर यशस्वी चाचणी.