पंचांग -

शनिवार : भाद्रपद शुद्ध १, चंद्रनक्षत्र उत्तरा, चंद्रराशी कन्या, चंद्रोदय सकाळी ७.१३, चंद्रास्त सायंकाळी ७.२९, सूर्योदय ६.२३, सूर्यास्त ६.३५, चंद्रदर्शन, साम श्रावणी, मौनव्रतारंभ, भारतीय सौर भाद्रपद २५ शके १९४५.

दिनविशेष -

• १९९७ - संस्कृत भाषेसंदर्भात प्रशंसनीय कार्य केल्याबद्दल मुंबई येथील मराठा मंदिर संस्थेच्या वरळी हायस्कूलमधील संस्कृतचे निवृत्त शिक्षक

• पं. गुलाम दस्तगीर अब्बासअली बिराजदार यांना ‘राष्ट्रीय संस्कृत पंडित’ हा राष्ट्रपतींकडून दिला जाणारा पुरस्कार जाहीर.

• २०१० - तासागणिक बदलणारे हवामान, जोरदार बर्फवृष्टी, दरडी कोसळण्याचा धोका आणि उंचीमुळे विरळ होत जाणारा ऑक्‍सिजन, अशा अत्यंत बिकट परिस्थितीत लष्कराच्या दक्षिण मुख्यालयातील नऊ अधिकारी व जवानांनी सहा हजार ५१२ मीटर उंचीवरील ‘माउंट भागीरथी-२’ हे गढवाल हिमालय रांगेतील अवघड शिखर सर केले.

• २०१८ - मेरी कोमने पोलंडमधील सिलेसियन ओपन बॉक्‍सिंग स्पर्धेत ४८ किलो गटात बाजी मारून आंतरराष्ट्रीय सुवर्णपदक जिंकले. तिने कझाकिस्तानच्या ऐगेरीम कॅसानेयेवा हिला हरवून वरिष्ठ गटातील भारताचे एकमेव सुवर्णपदक जिंकले.