Rath Saptami 2023 : रथ सप्तमीला सूर्याची पूजा केली जाते. ही पूजा माघ महिन्याच्या शुक्ल पक्षातल्या सप्तमीला केली जाते. याला माघ सप्तमी आणि सूर्य जयंतीपण म्हटलं जातं. अशी मान्यता आहे की, याच दिवसापासून सूर्याने सृष्टीला प्रकाशमान करणं सुरू केलं. म्हणूनच हा दिवस सूर्य जयंती म्हणूनही साजरा केला जातो.

यंदा रथ सप्तमीचा मुहूर्त २८ जानेवारी २०२३ ला पहाटे ५.१८ पासून सकाळी ७.०२ वाजेपर्यंत आहे.

रथसप्तमीचं महत्व

• रथ सप्तमीला वर्षातली सर्वात श्रेष्ठ सप्तमी मानली जाते.

• यादिवशी दान पुण्याचं फर महत्व आहे.

• असं मानलं जातं की, या दिवशी व्रत केल्याने सात प्रकारच्या पापांतून मुक्तता मिळते.

• या दिवशी सुर्योदयाला नदीत आंघोळ करून दानधर्म करण्याला फार महत्व आहे.

• सूर्याला अर्घ्य दिलं जातं.

• लाल वस्तूंचं दान करावं. असं मानलं जातं की, हे केल्याने आजारांपासून मुक्तता मिळते.

• म्हणूनच याला आरोग्य सप्तमी पण म्हणतात.

कशी करावी पूजा

• पहाटे उठून आंघोळ करावी

• ध्यान करून व्रत संकल्प करावा.

• सूर्याला अर्घ्य देण्यासाठी तांब्यात पाणी घ्यावे, रक्त चंदन, लालपुष्प, अक्षता, साखर त्या तांब्याक टाकावे.

• धूप, दिप, अगरबत्ती लावून सूर्याची पूजा करावी.

• सूर्य चालीसा वाचावी

• सूर्य देवाला डाळींब, लाल रंगाची मिठाई, गुळ घालून बनवलेल्या गोड पदार्थाचा नैवेद्य दाखवावा.

• गरजूंना दान करावे.