पौर्णिमा आणि अमावस्येला हिंदू धर्मात विशेष दर्जा देण्यात आला आहे. यासोबतच पौर्णिमा ही महिन्याचा शेवटचा दिवस मानली जाते. पौर्णिमेच्या दिवशी स्नान करण्याची परंपरा आहे. या दिवशी पौर्णिमेचं व्रतही ठेवलं जातं.

या दिवशी व्रत आणि स्नान केल्याने धन, सुख, समृद्धी, यश आणि संतानप्राप्ती होते असं मानलं जातं. या दिवशी माता लक्ष्मीची विशेष पूजा केली जाते, ज्यामुळे इच्छित फळ प्राप्त होते. तसंच या दिवशी चंद्र पूर्ण दिसतो आणि या दिवशी चंद्राला जल अर्पण केल्याने मानसिक तणाव दूर होतो असं सांगितलं जातं.

ज्येष्ठ महिन्यात येणाऱ्या पौर्णिमेला ज्येष्ठ पौर्णिमा म्हणतात. ज्येष्ठ पौर्णिमेला वट पौर्णिमा असंही म्हणतात. वट पौर्णिमा केव्हा आहे, कोणत्या वेळी या दिवशी पूजा करणं शुभ राहील आणि पूजेचं महत्त्व जाणून घेऊया.

कधी आहे वटपौर्णिमा?

पौर्णिमा सुरू - ३ जून सकाळी ११ वाजून १६ मिनिटे

पौर्णिमा तिथी समाप्त - ४ जून सकाळी ९ वाजून ११ मिनिटे

पौर्णिमा चंद्रोदयाची वेळ - ३ जून संध्याकाळी ६ वाजून ३९ मिनिटे

त्यामुळे वट पौर्णिमेचे व्रत ३ जून रोजी करावे.

वट पौर्णिमेचे महत्त्व

सौभाग्यासाठी वट सावित्री व्रत पाळण्यात येतं. या दिवशी विवाहित स्त्रिया आपल्या पतीच्या दीर्घायुष्यासाठी आणि सुखी संसारासाठी सूर्योदयापासून फळाचा उपवास करून किंवा निर्जल उपवास करून वडाच्या झाडाची पूजा करतात आणि प्रदक्षिणा करतात.