बंगळूर : काँग्रेसचे ५० आमदार (Congress MLA) भाजप हायकमांडच्या (BJP High Command) संपर्कात असून काँग्रेसचे सरकार कधीही पडू शकते, असे भाजपचे माजी मंत्री मुरुगेश निराणी (Murugesh Nirani) यांनी भाकीत केले.

विजापूर येथे पत्रकारांशी बोलताना ते म्हणाले की, काँग्रेसमध्ये (Congress Government) गटबाजी आहे. उपमुख्यमंत्रिपदासाठी अनेकजण इच्छुक आहेत. मंत्रिपद न मिळालेले नाराज आमदार भाजपच्या संपर्कात असून हे सरकार कधीही पडेल. काँग्रेसचे आमदारच भाजपचे दार ठोठावत आहेत.

तेथे दुफळीचे राजकारण चांगलेच गाजत आहे. हे सरकार पाच वर्षे टिकणार नाही. भाजप प्रदेशाध्यक्षपदासाठी आपण इच्छुक नाही. हायकमांड जो निर्णय घेईल तो मानू. जी जबाबदारी दिली जाईल, ते काम करण्यास तयार असल्याचे निराणी यांनी सांगितले.