गुजरातमधील मेहसाणा जिल्ह्यात एक मोठी दुर्घटना घडली आहे. कादी तालुक्यातील जसलपूर गावाजवळ बांधकामाच्या ठिकाणी सात जणांचा मृत्यू झाला आहे. जमीन खचल्याने ही दुर्घटना झाल्याचे सांगण्यात येत असून त्यात सात मजुरांचा मृत्यू झाला आहे. तसेच अजूनही ४ ते ५ मजूर अडकल्याची शक्यता आहे.

मिळालेल्या माहितीनुसार येथे फॅक्टरीसाठी अंडरग्राऊंड टँक बसवण्याचे काम सुरू होते. यादरम्यान अचानक माती खचल्याने काम करत असलेले मजूर त्याखाली गाडले गेले. दरम्यान रेक्यू टीम तत्काळा घटनास्थळी दाखल झाले असून बचावकार्य सुरू आहे.

गुजरातमधील मेहसाणा जिल्ह्यातील कादी तालुक्यातील जसलपूर गावाजवळ एका खासगी कंपनीची भिंत कोसळून 7 जणांचा मृत्यू झाला आहे, अशी माहिती मेहसाणाचे एसपी तरुण दुग्गल यांनी दिली आहे.