India Corona Update : चीनसह काही देशांमध्ये पुन्हा एकादा कोरोना बाधितांच्या संख्येत लक्षणीय वाढ झालेली पाहण्यास मिळत आहे.

हे ही वाचा : पुण्याचा पहिला 'माॅल'- तुळशीबाग

वाढत्या रूग्णसंख्येत केंद्र आणि राज्य सरकारकडून नागरिकांना बूस्टर डोस घेण्याचे आवाहन करण्यात आले आहे. या सर्वामध्ये सिरम इन्स्टिट्यूटकडून लसींबाबत मोठा निर्णय घेतला आहे.

वाढत्या रूग्णसंख्येत सीरम इन्स्टिट्यूट ऑफ इंडियाने केंद्राला कोविशील्ड लसींचा मोफत पुरवठा सुरू करण्याचा निर्णय घेताल आहे. या निर्णयातंर्गत 80 लाख डोसचा पहिला लॉट आजपासून पाठवला जाणार आहे, अशी माहितीअधिकृत सूत्रांनी दिली आहे.

चीनमध्ये गेल्या काही दिवसांपासून मोठ्या संख्येने नागरिक कोरोना बाधित आढळून येत आहेत. त्यामुळे भारत सरकारकडून चीनसह सहा देशांमधून भारतात येणाऱ्या प्रवाशांची कोरोना चाचणी करण्याचे निश्चित केले आहे.

तसेच जे प्रवासी कोरोना बाधित आढळतील त्यांचे नमुने जिनोम सिक्वेनसिंगसाठी पाठविण्याचे आदेश दिले आहेत. याशिवाय गर्दीच्या ठिकाणी मास्क वापरण्याचे आवाहन केंद्र आणि राज्य सरकारकडून नागरिकांना करण्यात आले आहे.