इटानगर : अरुणाचलमध्ये पेमा खांडू यांनी पुन्हा एकदा करिष्मा करून दाखवला आहे. विधानसभा निवडणुकीमध्ये त्यांनी भाजपला पुन्हा एकदा विजय मिळवून दिला आहे. २०१६मध्ये राष्ट्रपती शासन लागू झालेल्या अरुणाचलमधील परिस्थिती पूर्वपदावर आणणाऱ्या व आव्हानात्मक परिस्थितीमधून सुरू झालेला खांडू यांचा राजकीय प्रवास...

• २००० काँग्रेसमध्ये प्रवेश

• २०११ पेमा खांडू यांचे वडील आणि अरुणाचल प्रदेशचे माजी मुख्यमंत्री दोरजी खांडू यांचे हेलिकॉप्टर कोसळल्याने अपघाती निधन झाल्यानंतर पेमा खांडू प्रकाशझोतात

• वडिलांच्या निधनानंतर झालेल्या पोटनिवडणुकीमध्ये विजय

• काँग्रेसचे मुख्यमंत्री नबाम तुकी यांच्या सरकारमध्ये राज्याच्या पर्यटन मंत्रालयाची जबाबदारी

• २०१६ घटनात्मक पेचप्रसंगामुळे राज्यात राष्ट्रपती शासन लागू

• राष्ट्रपती राजवट हटविण्यात आल्यानंतर भाजपच्या पाठिंब्याने सरकार स्थापन करणाऱ्या कालिकोह पुल यांच्या सरकारमध्ये मंत्रिपद

• सर्वोच्च न्यायालयाच्या हस्तक्षेपानंतर तुकी यांच्याकडे पुन्हा मुख्यमंत्रिपद

• तुकी यांचा अल्पकाळातच राजीनामा

• पेमा खांडू यांच्याकडे मुख्यमंत्रिपद

• सत्तेत राहण्यासाठी यांचे दोनदा पक्षांतर प्रथम काँग्रेसमधून पीपल्स पार्टी आॅफ अरुणाचल प्रदेश या पक्षात आणि त्यानंतर लवचिक धोरण स्वीकारत भाजपमध्ये प्रवेश

• २०१९ मुक्तो या विधानसभा मतदारसंघातून सलग दुसऱ्यांदा विजयी

• २०२४ मुक्तो येथून तिसऱ्यांदा विधानसभा निवडणुकीत विजयी

राजकारणापलीकडे

पेमा खांडू यांची ओळख एक संगीतप्रेमी आणि क्रीडाप्रेमी म्हणून आहे. पारंपरिक संगीताच्या संवर्धनासाठी राज्यस्तरावर सांगितिक स्पर्धांचे आयोजन. त्याचप्रमाणे क्रिकेट, फुटबॉल यांसह अन्य क्रीडाप्रकारांच्या सामन्यांचे आयोजन करून या क्रीडाप्रकारांना प्रोत्साहन देण्यासाठी खांडू प्रयत्नशील असतात.