UP extortion Case:माफिया अतिक अहमद टोळीचा सहकारी इरफान हसन याला प्रयागराज येथून अटक करण्यात आली आहे. धूमनगंज पोलिसांनी खंडणीच्या आरोपाखाली त्याला अटक केली आहे. कोशंबीमधील सैलाबी गावाचा रहिवाली असलेला इरफान अतिक अहमद याचा नातेवाईक आहे. पोलिसांनी खंडणीच्या आरोपाखाली कारवाई करत या घटनेत वापरण्यात आलेली क्रेटा कारही जप्त केली आहे.

तसेचं या प्रकरणात खालिद जफर बरोबरचं बाकीचे आरोपी फरार आहेत. खालिद जफर, त्याचा भाऊ माज आणि इरफानवर ५० लाखांची खंडणी आणि धमकी देण्याच्या आरोप करत गुन्हा नोंद करण्यात आला आहे.

उत्तरप्रदेशच्या प्रयागराजमध्ये २४ फेब्रुवारी या दिवशी वकील उमेश पाल याची भररस्त्यात हत्या करण्यात आली होती. या हत्येतील मुख्य आरोपी असलेल्या अतिक अहमदचा मुलगा असद अहमद याला पोलिसांनी एनकाऊंटर करत कंठस्नान घातले होते. उर्वरित ३ आरोपींचा देखील एनकाऊंटर करण्यात आला. मात्र, या घटनेत विस्फोटकांचा वापर करणारा गुड्डू मुस्लिम अद्याप फरार आहे. तसेचं अतिक अहमदची बायको शायस्ता परवीन देखील फरार आहे.

गुड्डू मुस्लिमबद्दल समाज माध्यमांवर चर्चांना उधाण आलंय. त्याच्याबद्दलच्या अफवा गल्ली-बोळ्यात ऐकायला मिळत आहेत. मात्र, २४ फेब्रुवारीला ही घटना घडवून आणल्यापासून उत्तरप्रदेश पोलिसांच्या हाती अजून लागलेला नाही.

गुड्डूने प्रयागराज पोलिसांना दिला चकवा

गुड्डू मुस्लिम शेवटी गेला कुठे ? या प्रश्नाचं उत्तर ना प्रयागराज पोलिसांकडे आहे , ना उमेश पाल हत्या प्रकरणाची चौकशी करण्याऱ्या विशेष तपास दलाकडे. यूपी एसटीएफकडून अनेक ठिकाणांवर छापेमारी करण्यात आली असून त्याचा कुठेही ठावठिकाणा लागलेला नाहीये.

गुड्डू मुस्लिम बंगाल, ओडिशा, छत्तीसगड, कर्नाटक , गोवा, मुंबई, नागपुरमध्ये लपलाच्या बातम्या समोर येत आहेत. पोलिसांनी यूपीच्या मेरठमध्ये, श्रावस्तीपासून झाशीपर्यंत छापेमारी केली. मात्र, गुड्डू मुस्लिमला पकडण्यात त्यांना यश आलं नाही.